Daniɛl 6:27 - BII BILA

²⁷ «Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

Daniɛl 6:27 Referans Kwoze

Dɛnnda kiilaa 4:30

Siɛndi ba nɔmndo mì vannda sɔla siongɔɔ, mì dɛnnda kaamaalan a dɛnnda kɔndɔfiltan la tosan o diola Yeesu, vana baalaa diandaa nɔmndo.»

Condii lisai 97:10

Niaa vanaa kaola Mɛlɛka-a, la kɛɛ yɔŋ vɔɔndo, Mɛlɛka co yoomula vanaa lo o lediom coo-a mandaa, o co nda baŋaa vanaa yɔŋ vɔɔnda o ba.

Condii lisai 18:50

Lelan ya lisanin nɔm vanaa-mangalaa-isɔɔa tɛɛn ni, Mɛlɛka, mì sangala diola nɔmndan o condon nin.

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Condii lisai 35:17

Éé Maalii! Háá lɔ́ɔ́ kuɛɛ n lo yɛnin dɛnɛ kon tofaa? Kanda yoomu nuu le hiilɛi nda nɔ a ya-e, baŋa ya o yɛmbɛn yàlàá ha bɛngu.

Condii lisai 32:7

Nɔm co nɛɛ nia viannannda ni, nɔm co ya kandaa a buulannda nilan ni. I solinin condon le baŋa n baŋa ya-o.

Condii lisai 18:48

Nɔm Hala cɛl ni mì mingi màá, má kɛsi vanaa súúla celennda ya o labɛngunin,

SƐBƐ YƆB-O 36:15

Kɛ a sangaa Hala baŋa vanaa co o sangaa nin-nda ni, mò tuisi nda dɛnɛ palaa coo le sɔɛi o nda lo.

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

Nsaŋ 4:48

Mí Yeesu dimul ndu aa: «Te o co mì la ce dɛnnda kɔndɔfiltan a kaamaalan te, la laalan dɔ́ɔ́ le!»

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Daniɛl 4:31

O vɔsila ŋɔmmɛwla Mɛlɛka kelu lan-ndan mɛɛlulan, mí ya Nebukanɛsar heelu hɔlla o halataala, mí kɔlkalu ivanacieeyaa muungu ya nin. O kon, mí candu Ó-Hiow-Ɲɔɔn-Kpow-vo, mí lisa Vana-Co-Yoomu le fɛɛn a fɛɛn-ndo, mí sangala ndu. Ò vanabɛnduyɛi ndɔɛi nɔ lamɛɛlu loo, ò masale ndɔlen le co le fɛɛn a fɛɛn-ndo.