Daniɛl 6:22 - BII BILA

²² Mí Daniɛl mulul ndu aa: «Òó masaa! Màá viow yoomu fɔ́!

Daniɛl 6:22 Referans Kwoze

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Hebreea 11:33

Laalanndo yɔŋ ni mí vanaa kan a nɔla masɛi, má tosa dɛnɛ sandaa, má sɔla ɲɛm Hala ndóò dimul nda-on, má kinda yàlàá sondolan.

Dɛnnda kiilaa 12:11

O kon mí Piɛr sina ɲɛ yɔŋnun ndu-o, mó dimi aa: «I sina nihau maa toɲaa ni: Hala vem mɛlɛkanɔ ndɔɔ le ya solio o kpaaya Herɔde-o a ɲɛ Yuifia kpow ndáà nɔ o lakɔl le ya tosallo-o bɛngu ni.»

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Condii lisai 31:14

Congula vannda co ya lan kpede, i co tueyɔɔ, siòònde balu ya nɛɛ-nɛɛ ka. A co keiyo calle kundalan o sɔɛi nii coo, a co ya dúmbóó yiiyo le ya diyɔɔ.

1Samiɛl 17:37

Mí David dimi vɛlɛ aa: «Mɛlɛka kanda ya lɔ́ɔ́ kon, yɛmbɛn yàlàá a yɛmbɛn kɔ́lɔ́vúloo n nɔla ya loo, kandanin vɛlɛ ya. Nduyɛ Filistinɔɔ ho bɛɛ nɔlanin ya le.» O kon, mí Saul dimul ndu aa: «Mɛɛ kɔ! Màá Mɛlɛka va nɔm ikɛi!»

Kundalan 20:16

O kon mí n koŋul Mɛlɛka o lani, mó tuɛi somisomin naa. Mó viam mɛlɛkanɔɔ, mo kɔ faŋa naa Esipte lon. Sunsun, n tiiya Kadɛs, kobi co o lɛŋnde nɔmnden mɛɛlulan-ndo.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Daniɛl 6:23

Hala nuu vem mɛlɛkanɔ ndɔɔ, mó hun kinda yàlàá sondolan. A tosal-la ɲɛ-ɲɛ vɔɔn te, kani i sandu Hala nuu o hɔl. Hali nɔm masaa o hɔl, i tosa dɛnɛ vɔɔn te.»

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Condii lisai 118:28

Nɔm co Hala nuu ni, i melnin nɔm balika, i sangalanin nɔm.

Condii lisai 38:21

Vanaa co ya màá dɛnɛ kɛndɔɔ mingullo a dɛnɛ vɔɔndo-a co ya ciŋilanndo le dɛnɛ kɛndɛ ya co tosaa-o-a.

Condii lisai 34:7

Vana bala fondoo koŋul pɛ, Mɛlɛka tuei ndu diom, o soli ndu o buulannda ndɔlan kpow nin.

2Dɛnnda lemasalan 32:21

Mí Mɛlɛka viam mɛlɛkanɔɔ o dɔ́ɔ́ngɔ́ masaa Asiri nin, mó diw kuubaa cɔwva, simlacia vanaa cɔwva a vanaa a vanaa kùndàá kpow. Mí siɛmbulan la bii masaa Asiri, mó muungu o lɛŋnde ndɔlen nin. Ndóò luɛyɔɔ o cɛi hala ndɔɔ nin, mí poaa ndɔa dii ndu lon a mɔɛi cɔwve.

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

2Samiɛl 22:7

O sanga ni bɛndu kon nin, mí koŋul Mɛlɛka o lani, mí yonda o ndu Hala lo. Mó tuɛi ya koŋullo nɛɛ o co o cɛi ndɔ biilaa nin-nda, mí diom nuu del ndu o lani.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Matie 27:46

Lɛɛlɛ yàándɔɔ kandɔɔ le tiiyaa, mí Yeesu deŋi coocoo kpélén aa: «Elii, Elii, lema sabatani?» Kon co dimio ni aa: «Hala nuu, Hala nuu, le yɛɛ nɛ n kɛɛ yɛ ya?»

Condii lisai 26:6

I co bala nilan pulɔɔ le cɔmndo maa i tɛɛmbuu isɔɔ le, i co fonda-loamaa-lasálà nɔmndo balɔɔ, nɔm Mɛlɛka,

1Samiɛl 26:18

Mí David ɲuna vɛlɛ aa: «Vana ni bɛndoo, vɛ ma va ya tovɔɔ ho? Yɛɛ nɛ ya tosa yɛ? Ɔ́ɔ̀ ɲɛ ya tɛɛmbuu-o?

O Kandɔɔ 40:15

Kani o lɛŋnde Hebreea nin nda bii ya a paa-kala ni, má hun a ya nanu. Nduyɛ, nanu bɛɛ i tosa dɛnɛ vana mal vana o kaaso le.»

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Yeremi 37:18

O kon mí Yeremi ɲuna masaa Sedekia aa: «Sɔɛi yɛɛ ya tɛɛmbuu yɛ a nɔm, te kon te a simlacia nɔmnda te kon te a vanaa co o kobio ho nin-nda, mí la mal-la o kaasoo?

Daniɛl 6:4

Mí Daniɛl kon hiaw vanaa lebolaa kan a masaa n'bungaa kan kpow dɛnɛ sinaa a sɔɔn taw, kani kɔl kaamaa va ndu nin. Lelan, mí masaa tuu le ndu kɛsio vana bɛndoo o masale ndɔlen kpow coo.

1Masaa 13:28

mó kɔa, mó komal vana vílɛ́i kon o delaa o nɛi, sofɛlɔɔ a yàlàá va isisi ndu ikɛi. Kɛ nduyɛ yàlàá di vana vílɛ́i kon te, o tosal vɛlɛ sofɛlɔɔ ɲɛ-ɲɛ vɔɔn te.

Daniɛl 6:7

Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!