Daniɛl 6:16 - BII BILA

¹⁶ Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Daniɛl 6:16 Referans Kwoze

SƐBƐ YƆB-O 5:19

O solinin nɔm o mɔnɛi nin háá bɛmbɛ leŋɔmpum, o bɛmbɛ ŋɔmmɛwndɔɔ, dɛnɛ palaa ve lɛnin nɔm kuee le.

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

2Samiɛl 3:39

Hali, i co bɛɛ hau masaa nuaa, dɛnɛ poaa Seruya-a ha tosa-o hiow ya mayoomu. Màá Mɛlɛka pila mingul vana-vana kɔlvesɛiyo mɛɛ kɔlvesɛi ndɔɔ co yɛ!»

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Dɛnnda kiilaa 25:11

Nduyɛ, te i tɛɛmbuu yɛ pɛ isɔɔ, i ya bɛnda mì sɔla piɔ́mndo-e, i kɛɛ le. Kɛ te toɲa oo toɲa co o sɔɔn nda co ya hɛɛnduuo coo-on nin te, mɛɛ vana-vana melnin ya nda o ba le, o Sesar lo ya co lakɔ kɔɔsɔ ni.»

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Rɔmnda 13:3

Vana tosa pɛ dɛnɛ kɛndɔɔ, siòòŋii ve nɔm a simlacia lelɛŋnda le, fɔ mà tosa dɛnɛ vɔɔndo. Vɛ̀ɛ̀ a yeema ma nɔ isiòòn a simlacia lelɛŋnda le? Mɛɛ tosa dɛnɛ kɛndɔɔ, o kon mà candu nɔm,

Daniɛl 6:7

Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Yeremi 38:5

Mí masaa Sedekia mulul nda aa: «La ce ndu, mɛ̀ɛ́-mɛ̀ɛ́ niaa yeema pɛ la tosa. I co bɛɛ masa nuaa, kɛ i nɔla niaa kuuna le.»

Yeremi 26:14

Ya yɛ, i co niaa o ba, la tosa a ya mɛɛ o hɛnan niaa yɛ.

Dɛnnda kiilaa 25:9

Fɛstis ndóò yeema mì ndóò tosa dɛnɛ hɛnan Yuifia-o, o kon mó ɲuna Pol aa: «Vɛ̀ɛ̀ a yeema mà kɔɛ Yerusalɛm, mà kɔ kiolu nɔm iyama ya o hɔl lon le dɛnɔɔ ho?»

Dɛnnda kiilaa 24:27

Vɔsila tiɔn o kon kɔɔli, mí Pɔrsius Fɛstis muungu masa-ibungaa o fonda Felisi-o. Kɛ le tùú Felisi ndóò yeema ndu pila siingɔɔnndo vana kɛndɔɔ Yuifia o hɔl-lo, mó mal Pol o kaasoo.

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Yeremi 38:6

O kon má bii Yeremi le ndu viovɔɔ o soon mamɛn Malkiyahu po masaa-o nin. O falii cɛi kaasoo soon kalaa va ni, má tuisi Yeremi lenin o yoei. Mɛmma ve o soon kalaa nin te, kɛ loolio va lenin, mà tuisi Yeremi o looli kon nin.

Yeremi 39:17

Kɛ paale len, i baŋanin nɔm. A delnin vana siòòŋii ndɔɛi co nɔm-ndo o ba le. Diom Mɛlɛka dimi-o co kon ni.