Daniɛl 6:10 - BII BILA

¹⁰ O kon, mí masaa Darius handu baa o tɔŋ yiinun kon-ndo coo.

Daniɛl 6:10 Referans Kwoze

Condii lisai 55:17

Ya ya, Hala ya co piɛiyo ni, nduyɛ, ndu Mɛlɛka ciindiaanin ya.

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Condii lisai 34:1

Condii David-e. Telen o tosa sɔɔn maa vana seemɛi Abimelɛk o hɔl, mí Abimelɛk toaw ndu mó kɔannun-ndo.

Condii lisai 5:7

Tɛɛmbuuo n tɛɛmbuu vanaa dimia lacòòvaa ni. Vanaa diuvaa n'vannda a vana nɔ kɔlkalu vɔɔndo-o nɛinun nɔm bɔɔ!

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Yonas 2:4

Nɔm óò viow ya o soon nɔ lamɛɛlu loo nin, o mɛmma ihɛllan bɛngu, mí tindima mamɛnndan máà balu ya sɔ́, mɛmndan ma va tolɔɔ a yoomuan ya coo.

1Masaa 8:54

O piɛile tɛɛlannde Salomɔn va len tosaa len nin kpede, o va vula baŋaa o fonda-loamaa-lasálàá hɔl-ndɔ, a balan laheelaa coocoo. Ndóò ciiyo piɛilen kpede, mó can,

1Masaa 8:44

Te vanaa nɔmnda, a co Israɛlla-a fula pɛ le kɔlan yaamɔaa ndaa cɔlɔbaa, mà bii silala n kenin nda lan, mà kela lecoo, taa muli pɛ hɔlla a kpengii kobi n hɛli hoo-o co-e, a kpengii ya tengul nɔm Cɛiyo ho-e le nɔm Mɛlɛka piɛiyo,

Efɛsea 3:14

Le hee ya co o vulan coo Hala Fuɲaa o hɔl ni,

Dɛnnda kiilaa 10:9

Diimandɔɔ, mɛɛ vanaa nda vem kan-nda tiiyaa Yopé ciee-lekɔɔ, mí Piɛr hel o sɛmtɛ a telen paalen le va nin le tiiyaa o pol-lo le Hala piɛiyo.

Daniɛl 6:13

Má muungu o masaa lo. Má yiyalan ndu tɔŋndo ho aa: «Masaa, o co nɔm pila le handu baa o tɔŋndo ho coo aa o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, vana kon bɛnda mò viownun o soon yàlàá nin te?» Mí masaa muli aa: «Lende kpeekpei sɔɛi kelun ni, mɛɛ tɔŋ Mɛdia a Pɛrsea, ó mangalan lɔ́ɔ́-lɔ́ɔ̀ loo co yɛ.»

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

1Masaa 8:38

te vana pilɛ, te kon te Israɛlaa tɔ̀a kpow a solul pɛ nɔm diomndan o piɛilen nin le nɔm tɛɛlɔnndo, te vana-vana sina pɛ yɔŋ ndɔ vɔɔndo o kɔl ndɔɔ nin, mò muli hɔlla a ba Cɛiyo ho, mo heelu balan, mò piɛi nɔm,

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Dɛnnda kiilaa 20:36

Pol ciiyo sɔɔn mun dimio, mó baŋ vulan, má tosa piɛilen nda ndaa kpow.

Nehemi 6:11

Mí mulul ndu aa: ‹O co vanapɔnɔ ɲaanun te ya co le. O faŋan pɛ o kon kɔɔli, ɔ́ɔ̀ vana co maa ya, mò luɛi o Cɛi-Hala-o nin, mò lo yoomu-o? Lelan, i lueinin te few!›

2Dɛnnda lemasalan 6:38

taa muungu pɛ nɔm o labɛngunin a kɔlta ndalan a á yoomu ndaa kpow nɛɛ nda vanin o biyɔɔ nin-nda, taa lo pɛ o lɛŋnde nda vanin o biyɔɔ nin-nden nin, mà muli hɔlla a kpengii lɛŋnde ndalen, lɛŋnde n ke fuɲaa ndaa mamaa len, a kpengii kobi n hɛli hoo-o a á kpengii Cɛi nɔm ya tangul hoo-o, mà piɛi nɔm,

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Filipea 1:14

Vanaa bɔɔ-bɔɔ o vanaa laalannda tɛɛn a sɔla laalanndo ɲɛkɛndɛi le cɔ nda co ya o kaasoo-o. Nduyɛ, a co cɔɔloo yoomuan sɔlaa le vannda sɔɛi Hala-e dimullo, o co a isióón te.

Dɛnnda kiilaa 21:5

Kɛ palɛi ken hiovɔɔ, mí n bii nɛiyo le kɔlan. Mí nda kpow a liila naa, laandua ndaa a cuavaa ndaa, háá má soli naa o cieo kɔɔli. Mí n baŋ vulan o mɛmma ihɛllan kɔngɔ, mí n piɛi Hala.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

Dɛnnda kiilaa 5:20

«La kɔ sim o Cɛi-Hala-o nin, mì la kɔ dimul vannda sɔɔn ke vana yoomu sɛnɛiyo-on kpow.»

Dɛnnda kiilaa 4:29

Tofa vɔ niko mɛɛ nda co naa kɔngɔlanndo sunsun yɛ. Cɛl mì buɛyaa nɔmnda dimi sɔɛi nɔmnde a kɔlkɛsiaa.

Dɛnnda kiilaa 3:1

Paale pilɛ, Piɛr nda Nsaŋ va kɔlan o Cɛi-Hala-o a paale yɔngannden, o lɛɛlɛ yàándɔɔ, telen ndáà piɛi Hala-o.

Dɛnnda kiilaa 2:15

O co mamɔi le co vannda ha o lahɔl mɛɛ niaa co yiyanndo yɛ le. Kani lɛɛlɛ ŋɔmahiɔɔlundɔɔ kínɛí co vɔ diilɛn nuaa ni.

Luke 22:41

O kon kɔɔli, mó faŋan nda ikɛi, mó kɔa ɲɛ-pɔmbɔ, mó baŋ vulan, mó piɛi Hala aa:

Luke 14:26

«Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Condii lisai 86:3

Éé Maalii, tuinun ya iɲíí, kani niinoo kpɛŋ i co cɛɛŋɔnndo nɔm o lani.

Ɛsdras 9:5

«Tuma solia sálà paale delaa tiiyaa, doma ni pɔmbɔɔ a doma ni bɛndoo va ya lekɔɔ lasɛɛsiɛilan, mí can a mɔnɛi lende, mí baŋ vulan, mí heelu balan o Mɛlɛka Hala nuu lo.

2Dɛnnda lemasalan 6:13

Nduyɛ, ndu Salomɔn ndóò tangul bàndóó a daɲan o bɛɔ tɛɛn, o va bandei dunndo leŋuɛɛnu, buo dunndo leŋuɛɛnu, simndan dunndo leyàá. Mó hel lecoo, mó baŋ vulan Israɛlla kpow o hɔl, mó heelu balan o halataala.

1Masaa 8:30

Ya vana nɔm baalaa a vanaa nɔmnda, a co Israɛlla-a, n sim pɛ o fondaa ho mì n piɛi nɔm, tuei naa diom nɛɛ n vanin o calta nɔmndan o halataala-a, mà mal naa haki.

Daniɛl 9:4

Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Marke 3:3

Mí Yeesu dimul langbanɔ ndóò nɔ kon ba vílɛ́iyo-o aa: «Cɔn ma sim vannda tɛɛn.»