Daniɛl 5:9 - BII BILA

⁹ Mí siòònde cɔɔlu masaa biyɔɔ taw, mí hɔlaa ndɔa mangalan, mí vanaa bɛndua va ndu o ba bɛngu-a buulan taw-taw.

Daniɛl 5:9 Referans Kwoze

Daniɛl 5:6

Mí siòònde bii ndu taw háá mí hɔlaa ndɔa mangalan. Mí yiyannda ndɔlan la laasian, mí boondun caŋaa ndɔa n yɔɔlian, mí vulan la ɲiiya ndu nákà-nàkà.

Daniɛl 2:1

O vɔsi diinndɔɔ nin, o masale Nebukanɛsar len bɛngu, mí ndu Nebukanɛsar pila sɔl lɔan. Mí yiyan ndɔɔ laasian háá mó kpennda lahɔl.

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Dɛnnda cɔɔmuanndan 6:15

Mí masaa co o lɛŋnden coo-a, simlacia, simlacia vanaa cɔwva, vanaa bolofaa, vanaa kpaayaa, cɛa kpow a vanaa co o ba ndaa coo-a viannun o buululan nin a o powta kpovala co o pembon coo lan bɛngu.

Matie 2:3

Masaa Herɔde tueyɔɔ sɔɛi ken, mó voolu nda Yerusalɛmnda kpow.

Daniɛl 10:8

Mí lo ya pilɛ kpé, mí va vundule bɛndule len tofaa, mí kpaaya nuu cuu, mí hɔlaa nia mangalan, mí fula mayoomu.

Yeremi 30:6

La ɲuuniaa vɔ hau sɔɛi ken mì la sina, te la ce nin vanapɔnɔɔ violɔɔ. Le yɛɛ nɛ ya co yɛ niko vanpiaandua kpow cɔu a balan nda o demboo coo mɛɛ dembe can vanalanɔ nɛi le violɔɔ? Le yɛɛ nɛ nda suuma yɛ má yii hɔlla nuaa?

Condii lisai 48:6

Ndáà cɔu dɔ́ɔ́ Mɛlɛka, má dɔawnun kɔndɔfili, mí siòònde bii nda, má piɔl.

Condii lisai 18:14

Mí Mɛlɛka deŋi o halataala maa letaŋ, mí Ó-Hiow-Ɲɔɔn-Kpow-vo soli diomndo, mí loeon delian a dɛngulta leyinndan la fula.