Biblia Todo Logo
Bib sou entènèt

- Piblisite -




Daniɛl 5:7 - BII BILA

7 Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Gade chapit la Kopi




Daniɛl 5:7
28 Referans Kwoze  

Fɔ́ɔ́fɔ̀, mí Baltasar dimul buɛyaa ndɔa aa: «La vow Daniɛl volɔɔla báà kalala lemasalan. La vow yɔlɔn n'sianion ndu o labolo, mì la balu yondaa maa ndu cua fonda yàándɔɔ o masale nilen nin ni.»


I tuei maa nɔm, a tiwba le kɔlɔ lɔma sɔlaan cɔmndo a sɔɔn viannanndon tɛɛsiaa. Taa nɔla pɛ sɛvaa ho a kɔlɔ ndɔɔ tɛɛsiaa, a vownin nɔm volɔɔla báà kalala lemasalan, mà vow nɔm yɔlɔn n'sianion o labolo. O kon kɔɔli, i yɔngunin nɔm fonda yàándɔɔ o masale nilen nin.»


O kon, mí masaa yɔngu Daniɛl fonda bɛndoo. Mó yɔngu ndu ɲɛm sɔvɛɔn taw-taw. Mó kɛsi ndu bollen o tàndá Babilɔn-ndo kpow coo, mó handu ndu bolle vanaa kɔlkalua Babilɔn kpow.


Kɛ, te la cɔm ya pɛ man a kɔlɔ ndɔɔ, la sɔlanin ɲɛm sɔvɛɔn a bɛɛlen ya o ba. Lelan, la cɔm ya lɔma sɔlaa ma man a kɔlɔ ndɔɔ.»


Mó viam vannda le vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow veeloo, haliko mi ndáà hun cɔm ndu lɔma o sɔl-lan. Mɛɛ nda hin, má cɔmnun ndu.


Mí dovi nɔm a ɲɛm kɛɛmianndon, mí vow kelan nɔm o laba, mí vow nɔm yɔɔvaa o labolo.


La saangian o yavalan vimio nin, vanaa sina kan lavàà o halataala-a, a cɔn niko mà ciindiaa niaa! A co kan hɔlla keeliaa o halataala ma va loeon mɛɛndianndo, ma va ɲɛ hun yɔŋnunnin-ndo dimio a paangun sɛnɛiyon o kɔɔ-a a baŋa niaa niko!


Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»


Kelan lanion cɛl bɔɔ kuula nɔmndan, yɔɔvama powvan ma cɛl bɔɔ bolola nɔmndan.


Kani maa mɔsil kɛndɛ-kɛndɔɔ la co nɔm o lebol ni, maa yɔɔva laboloo la co le bolola nɔmndan ni.


Dɛnnda lan hiovɔɔ, mí masaa Sɛrsɛs ca Haman po Hammedata fula o polale Akak len nin-ndo ɲia. Mó siinguu ndu bolle simlacia va ndu o ba bɛngu-a kpow.


Mí vana-vana o Israɛlla tɛɛn va dimio aa: «Àá mɔnɛi! La ce mɛɛ langbanɔɔ ho co naa hunɔɔ tɛɛndanndo yɛ? Vana tiwnin ba hoo diyɔɔ-o ndu, masaa kenin bɔɔ vana kon bolofaa, o yɔngunin ndu vɛlɛ cua ndɔɔ o nɔ̀u nin. Yungu vana kon bɛɛ sɔlanin bɔɔ tɔnɔla bɔɔ-bɔɔ o lɛŋnde Israɛl-ten nin!»


Lelan sisa, kɔnnun, muungun o nɔm ndo. Yáà yeema mì yáà biilu nɔm taw, kɛ Mɛlɛka tuŋ nɔm bɛɛle len.»


aa o yɔngunin nɔm bɛɛlen mò tosa ɲɛ-ɲɛ n ɲunanin ndu. Kɛ aa, yandi, nɔm kɔ ma kɔ dow ndu vannda ha danga.»


Mí kaasoŋaa kɔlkalua Moab a kaasoŋaa kɔlkalua Madian a cua ɲɛm kɛndɛ-kɛndɔn le Balaam vana vianaa yavaa yoo, má kɔa a mun. Mɛɛ nda tiiya o Balaam ndo, ma tuisi sumialle, má downun ndu kona mɛɛ Balak congun nda yɛ.


Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.


Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.


Sɔɛi fula Mɛlɛka o sondo-e co hee ni aa: «Mɔɛi cɔwve, kuel Babilɔnnda. A kuel vanaa co o kobio Babilɔn nin-nda, má kuel vɛlɛ simlacia ndɔa a vanaa ndɔa dɛnɛ sinaa!


Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.


Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.


Mí Daniɛl muli aa: «Masaa, dɛnɛ n yeema le sinaa-o, vanaa kɔlkalua, vanaa soaa a loeon o kɔɔ-a, mandea a vanaa mangalaa súúlan kpow a nɔla nɔm ndu tɛɛsial te.


Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.


À cuu ya vanaa kɔlkalua a vanaa viamaa yavaa, haliko mi ndáà cɔm ya sɛvaa ho a kɔlɔ ndɔɔ, kɛ a tiwba le.


Swiv nou:

Piblisite


Piblisite