Daniɛl 5:28 - BII BILA

²⁸ Farsin! Kon co dimio ni aa: ‹Piɔwvo›. Masale nɔmnden le piɔwnun, mí le yɔngun yungoo Medii a yungoo Pɛrse.»

Daniɛl 5:28 Referans Kwoze

Daniɛl 6:28

Hala ciindiaa vana ni, ndu baŋa vana ni. Ndu tosa dɛnnda bɛndulan a sɔɔn kɔndɔfillon o halataala a o lɛŋnden coo ni. Ndu ciindiaa Daniɛl o kpaaya yàlàá bɛngu ni.»

Esai 13:17

Tofa vɔ, i cuanin Mɛdea mà simul nda! Kani nda, a nɔ kpeku hɔlte n'voli le, a nɔ hɔlte n'siani le.

Esai 21:2

Dɛnɛ kpúlúnkùma bɛndoo cɔmnun ya, vanaa yiyaa dúmbú-a co dúmbóó yiiyo, vana tɛɛmbua co ɲɔɔn tɛɛmbuuo. «La hel mi la del nda coo, niaa Elam-nda! La kɔ tiila nda, niaa Mɛdea!» I tosanin mi vanaa co ŋɔɔcianndo-a mei.

Daniɛl 9:1

«O vɔsi tase Darius, po Sɛrsɛs fula Medii-o sul masaa o lɛŋnde Babilɔn-nden coo-o,

Daniɛl 8:20

Saa kóndó n ce-o, leela ndɔla tiɔnndan, tɔɔmasele masaa o lɛŋnde Medii len nin a masaa o lɛŋnde Pɛrse len nin co kon ni.

Dɛnnda kiilaa 2:9

Nduyɛ, Partea, Mɛdea a Elamnda a co naa tɛɛn. Vanaa pum a fula Mesopotami, Yuda, Kapadɔse, Pɔn, a o lɛŋnde Asii len nin,

Daniɛl 6:8

Vanaa lebolaa bɛndua, vanaa kialaa n'yamaa, vanaa silaa masaa a masaa n'bungaa cii cɛlan o tɔŋndo pum coo. Lelan, mì nɔm pila handu ba lecoo. Tɔŋ kon co hoo ni: o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, o viawnunnin o soon yàlàá nin.

2Dɛnnda lemasalan 36:23

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin. Lelan, vanaa co vanaa ndɔa o niaa tɛɛn-nda, a hèèlú Yerusalɛm. Màá Mɛlɛka Hala ndaa va nda ikɛi!›»

Esai 47:11

Kɛ dɛnɛ palaa toalnin niaa coo, la nɔlanin ndu kpakpalaa le, kpundɔɔ toalnin niaa coo la sinanin mɛ̀ɛ́-mɛ̀ɛ́ niaa tosanin te. Sanga bɛndu niaa ve kɔl too komalnin niaa fúkù-fùkù o lepilɔɔ.

Yeremi 25:13

I cuunin dɛnnda palaala ya dimi lan kpow o lɛŋnde len coo, la co lasɛvaalan o sɛbɔɔ ho nin-ndan, la Yeremi vana-tɛɛngaa-diom Hala-o dimi le vanaa-mangalaa-isɔɔa kpede lan pɛɛn.

Yeremi 51:28

La mɔɔsiaa lɛŋnde kpow le ndu delɔɔ coo, kɛ taama-taama masaa Mɛdea, masaa n'bungaa ndaa a simlacia ndaa, a lɛŋnde nda co masalen tosaa coo len kpow.

Daniɛl 2:32

Bolle piɔm kon le va le toosiaa a sianin diandan. Takpa ndɔɔ a congúla ndɔlan la va latoosiaa a volin humbon. Dembe ndɔɔ a lɔlula ndɔlan la va a daɲan.

Daniɛl 2:39

O nɔm kɔɔli, masale celen le cannin vɛlɛ, len le hiawnin dɔɔnanndo a masale nɔmnden ni. O len kɔɔli, masale yàándɔlen le cannin. Masale len le vanin maa idaɲa, le pɛngɛlannin o lɛŋnden kpow coo.