Daniɛl 5:23 - BII BILA

²³ Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Daniɛl 5:23 Referans Kwoze

SƐBƐ YƆB-O 12:10

Ndu bii yoomu ɲaa yoomaa kpow o ba ni, ndu bii hoeyii yoomuɛi vanndacieea kpow o ba ni.

Yeremi 10:23

Mɛlɛka, i sina maa vanacieo nɔla kelaa mɛɛ o bɛnda yɛ le, vanacieo nɔla kelaa a ba ndɔ o nɛila kɛndɛlan coo le.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

Yeremi 50:29

La yoongu vanaa caa kpaasiaalan vuuo-a kpow, la ɲindu nda Babilɔn o ibuŋ, mà kɔ balu ndu pindo, nɛi ɲaananndo bɛɛ a mɛi le. Mì la tosal kobi kon mɛɛ ndu tosal caanda yɛ, mì la tosal ndu ɲɛ ndu tosal caanda-o. A toɲa, vana yongaa o yɔŋnun a Mɛlɛka ni.

Talelan 20:24

Mɛlɛka sìm kela vanacieo laci ni. Te o co kon te vɛ̀ɛ̀ vanaciee kon nɔla yɛ mò bii nɛi ndɔɔ bila?

SƐBƐ YƆB-O 31:4

Vɛ̀ɛ̀ Hala co cɔ mɛɛ ya co kelaa yɛ le baa? Hali foofola ya co keiyo lan, o co lan cɔmndo tɛ́kpɛ́-tɛ́kpɛ́.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

Condii lisai 139:3

A sinà telen ya fula-o, a sinà vɛlɛ telen ya hinio, a sinà nɛila ya co kelaa coo lan kpow.

2Masaa 14:10

Le tùú n nɔla Edɔmnda-o n heelu hɔlla nuaa ni nɛ? Cal o nɔm ndo ma kuundian mɛɛ n yeema yɛ. Le yɛɛ n yeema yɛ le dɛnɛ palaa tuisio nɔm pila a vanaa cɔwva Yuda coo?»

1Timote 3:6

O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Dɛnnda kiilaa 17:25

O nɔ mako mì vana yɔngu ndu ɲɛ-ɲɛ le, kani ndu ke vana yoomoo, kɔllo a ɲɛm tɔ̀un kpow ni.

Habakuk 2:4

Vana nɔ tuula vɔɔnndan-ndo pɛ a yongaa ca, yiyannda ndɔlan la sendu le, kɛ vana sandaa vanin yoomu le laalan ndɔɔ.

Esekiɛl 31:10

Lelan, nuaa Maalii, o co Mɛlɛla-o dimi ni aa: «Le tùú ndóò bandu taw-vo, le tùú ndóò hiow yɔmii bɔɔla yukɔnnde kpow bandei-yo, le tùú kɔl ndɔɔ ndóò kɔngan naŋɔɔ ndɔɔ sii-o,

Esekiɛl 28:17

Le naŋɔɔ nɔmndo kɔl nɔmndo pɛ a kuundianndo ni, má laasiaa kɔlkalu nɔmndo le iŋɛlɛngi-ŋɛlɛngii nɔmnde. Lelan, mí viaw nɔm fakolo o lɛŋnden coo, mí siɛmbulan la bii nɔm masaa o hɔl kpendekele.

Esekiɛl 28:5

A vangala bolofaa nɔmndo o yulale n caa taw len nin, le bolofaa nɔm kon, mí kɔl nɔmndo pia a yongaa.

Esekiɛl 28:2

«Po vanacieo sei, dimul masa co kobio Tir bollen-ndo aa nuaa Maalii Hala dimi ni aa: ‹Kɔl nɔmndo pɛ a kuundianndo háá má dimi aa hala n co ni! A co icali o ɲɛ-calaa Hala-o coo o mɛmma ihɛllan tɛɛn. Nɔm yɛ, vanacieo n co ni, a co Hala le, kɛ má tuu maa yiyan nɔmndo a yiyan Hala-o kpen-kpen la co ni.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Esai 33:10

Mɛlɛka dimi aa: «Sunsun i co cɔnɔn isisi, sunsun i co bɔɔbɔɔyɛi nii cɔm, sunsun i co helnɔn tema.

Condii lisai 146:4

A vi dɔ́ɔ́ pɛ, a muungu o puuloo nin, fɔ́ɔ́fɔ̀, tuula ndalan la tambun.

Condii lisai 115:16

Mɛlɛka nɔ halataalaa ni, mó ke vanndacieea lɛŋnden.

Condii lisai 104:29

Taa vin nda pɛ hɔlaa nɔmnda, siòònde bii nda taw. Taa soli nda pɛ yoomoo niŋ, a muungu o puuloo nin.

Masaa kialaa n'yamaa 16:23

Paale pum, mí masaa Filistia cuungian le ɲaaloo dɔwnɔnndo le nɔla nda nɔla Samsɔn-ndo a le Dakɔn piɔm ndaa sálà bɛndoo solullo. Má soli condei aa: «Piɔm naa mal Samsɔn yaamɔɔ naa naa o ba.»

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Dɛnnda cɔɔmuanndan 9:20

Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.

Esai 13:11

A toɲa, ya Mɛlɛka, I kpoosanin ceendo le kɔlvesɛi ndɔɔ. I fukpanin vanaa kɔlvesɛiya le yɔŋ vɔɔn ndaa. I ciinin yonga vanaa heelannda. I ɲuminin kuundian masaa kɔlvesɛiya.

Esai 14:13

A va dimio o kɔl nɔmndo nin aa: I helnin o halataala mì kɔ kɛsi kpɛŋɛ ni lemasaa o loeon Hala-on coo. I calnin o pembii halaa celennda bɔɔŋian coo-e coo, o lɛŋnde maluaŋnden mɛɛlulan.

Yeremi 48:26

Moabua cennun maa nda hiow Mɛlɛka ni, lelan la pimi nda mɔiyan mì ma bii nda, maa kuusuu, mà yɔliyɔlin o kuusuu ndaa nin, mì vannda mam nda!

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

1Samiɛl 17:36

Nuaa buɛi nɔmndo ndóò diw yàlàá a kɔ́lɔ́vúlua ni. Lende koni ya tosanin a Filistinɔ dii hoo toma loo ni, le yei o yei vanaa cɔvaa Hala yoomaa-o.»

Yeremi 50:28

La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›

Daniɛl 8:11

Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.

Daniɛl 11:12

O puusiaanin nda, mò kuundian taw le vanaa sɛ́lɛ́a o tɛɛmbuunin kan-nda, kɛ o lonin o nɔla kon coo le.