Daniɛl 5:22 - BII BILA

²² Nɔm Baltasar, po ndɔ, a sina sɔɛi ken válán, kɛ a tuisin tootoo le.

Daniɛl 5:22 Referans Kwoze

2Dɛnnda lemasalan 33:23

Kɛ, ndu Amon cɛl le Mɛlɛka bɛɛlen keo maa Manase fuɲa ndɔ le, mó tosa hakilan hiovɔɔ la fuɲa ndɔ tosa lan coo.

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Nsaki 4:17

Te vanndo sina pɛ le dɛnɛ kɛndɔɔ tosaa, te o tosa ndu le, mɛɛ o cua hakio o ken nin.

2Dɛnnda lemasalan 36:12

Mó tosa ɲɛ bɛnda Mɛlɛka Hala ndɔɔ o hɔl too. O ci sɔɔn Yeremi vana-tɛɛngaa-diom Hala-o va ndu tɛɛngullo o diola Mɛlɛka lan-ndon ɲɛ-ɲɛ le.

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Luke 12:47

Buɛi sina kon hɛnan vana ndɔ bɛndoo, kɛ o toosiaa ɲɛ-ɲɛ loo, o tosa vɛlɛ hɛnan vana ndɔ bɛndoo loo sɔlanin lɔɔ taw.

Matie 21:32

Kani Nsaŋ hin o niaa lo, mó hun cɔm niaa nɛi sandaa, kɛ la laalan ndu le, kɛ mí vanaa biyaa mulua a vanaa suundaa laalan ndu. La ce dɛnnda lan kpow, kɛ la mel yɔŋ vɔɔndo mì la laalan ndu le.»

Matie 14:4

Kani Nsaŋ va ndu dimullo maa o nɔ dí, mò cua Herodiade kon, mò va laa ndɔ le.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Esai 26:10

Kɛ vana tosal bɛɛ vanaa kɔlvesɛiyo kɛndɛi, o sinanin dɛnɛ sandaa le. O tosanin dɛnɛ vɔɔndo o lɛŋnde dɛnɛ sandaalen coo, o cinin bɔɔbɔɔyɛi Mɛlɛka-e le.

Condii lisai 119:46

I diminin tɔŋnda nɔmnda lan masaa o hɔl, siɛmbula biinin ya le.

Esai 13:11

A toɲa, ya Mɛlɛka, I kpoosanin ceendo le kɔlvesɛi ndɔɔ. I fukpanin vanaa kɔlvesɛiya le yɔŋ vɔɔn ndaa. I ciinin yonga vanaa heelannda. I ɲuminin kuundian masaa kɔlvesɛiya.

Esai 14:13

A va dimio o kɔl nɔmndo nin aa: I helnin o halataala mì kɔ kɛsi kpɛŋɛ ni lemasaa o loeon Hala-on coo. I calnin o pembii halaa celennda bɔɔŋian coo-e coo, o lɛŋnde maluaŋnden mɛɛlulan.