Daniɛl 5:20 - BII BILA

²⁰ Kɛ mó kuundian háá mí kɔl ndɔɔ pia a yongaa, mó kindi nilan. Lelan, mí Hala faŋa ndu o kpɛŋɛ ndɔ lemasaa coo. Mí biilu ndɔɔ hialun ndu.

Daniɛl 5:20 Referans Kwoze

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Yeremi 13:18

Dimul masaa nda kalaa masaa aa: «La cal lɛŋ! Kani mɔsil lemasa kɛndɛ va nia o lebol-lo del lɛŋ.

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

2Masaa 17:14

Kɛ a yeŋ lani le, má kindi nilan, mɛɛ fuɲaa ndaa mamaa ndáà tosa má kɛɛ le Mɛlɛka Hala ndaa laalanndo yɛ.

Fulaa 9:17

Kɛ háá hau, nɔm Faraɔnnɔɔ, a co vɔ cuavaa ndɔa kuunanndo coo, má kɛɛ le nda malɔɔ kɔlan.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Talelan 16:5

Vanaa yongaa nɛinun Mɛlɛka. O nɛi oo nɛi coo a kɛɛnin sangaa sɔla le kela ndaa le.

Esekiɛl 30:6

Nuaa Mɛlɛka dimi ni aa: «Ɲɛ-ɲɛ co Esipte malaa delnin, kpaaya ndɔ o kɔngan kon-ndo tambunin. Kandɔɔ a Mikdɔl háá a Siɛn, nda kpow a cɛɛlunnin o mɔɛi cɔwve bɛngu. Ya Maalii, ya co Mɛlɛka-o soo nuaa ni.»

Yeremi 48:18

Niaa vannda Dibɔn, la tol o kpɛŋɛla niaala lebɛɛlan coo, mì la cal o sállo coo. Vana tɛɛmbuu Moab-o co nɔm hinullo, o co kpakila nɔmndan tɛɛmbuuo.

Esai 47:1

Niaa vannda Babilɔn sei, la cɔn mì la tol, mì la cal o cundoo nin lɛŋ! La cal lɛŋ vɔyɔn, niaa Kaldea, kani masalen le hɛlun niaa. A veelu lɛnin niaa aa: «Vanaa kɔlkɛndɛa a vanaa vannda yeema yeemaa bɛndoo-a le.»

1Samiɛl 6:6

La kíndì nilan maa mɛɛ masaa Esipte nda Esiptea tɔ̀a tosa yɛ le dɛ! Vɛ̀ɛ̀ la loonun pá ɲɛ Hala tosal nda lɔ́ɔ́ pá má mal Israɛlla kɔlan-ndo?

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

Esekiɛl 31:10

Lelan, nuaa Maalii, o co Mɛlɛla-o dimi ni aa: «Le tùú ndóò bandu taw-vo, le tùú ndóò hiow yɔmii bɔɔla yukɔnnde kpow bandei-yo, le tùú kɔl ndɔɔ ndóò kɔngan naŋɔɔ ndɔɔ sii-o,

Daniɛl 8:8

Mí cuin toovi kon sɔla kpaayaa taw-taw. Kɛ mɛɛ o kindun a bɛmɛi véŋ-véŋ, mí lee ndɔ bɛndoo yom, mí leela kaamaalan tan hiɔɔlu la vul dɔ́ɔ́ o fonda kon, mí la sim o kpengun hiɔɔlun ceendo.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Fulaa 9:7

Mí Faraɔnnɔɔ viam vanndo le kɔlan sɔɛi ken kpɛngbɛlaa o Israɛlla lo, kɛ mó tuɛi maa hali cɔloo ndu pilɛ vi o cɔlua ndaa tɛɛn te. Hali a ken kpede, mí Faraɔnnɔɔ kindi nilan, o mel Israɛlla kɔlan te.

2Dɛnnda lemasalan 32:25

Kɛ Esekia yɔŋnun vana sinaa ikɛndɛ le dɛnɛ kɛndɛ ndóò sɔla Mɛlɛka o ba-o le, kani mí kɔl yongaa luɛi ndu nin. O kon mí kɔltuw Mɛlɛka-o toal ndu pila coo, Yudaa coo a Yerusalɛmnda coo.

Daniɛl 4:26

Kani paangon tɔ́ a n'miun hiovɔɔ, o va balɔɔ o cɛi ndɔ bɛndu lemasaa coo Babilɔn,

Daniɛl 4:28

O va sɔɔn mun dimio kínɛí, mí diomndo pum soaa o ndu lo fulaa o halataala aa: «Nɔm masaa Nebukanɛsar sɔɛi he dimulun ni. Masalen le hɛlun nɔm fɔ́!