Daniɛl 5:2 - BII BILA

² Ndóò ciiyo mɔima man kolɔɔ, mó dimi le ndu ɲɛm diandan n'sianion a ɲɛm diandan volin humbun Nebukanɛsar fuɲa ndɔ cua Yerusalɛm o Cɛi-Hala-o nin-ndon cuuo, haliko mi ndóò kol mɔiyan lenin nda vanaa bɛndua, laandaa ndɔa a sámáá ndɔa.

Daniɛl 5:2 Referans Kwoze

Daniɛl 1:2

Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

2Masaa 24:13

Mí Nebukanɛsar cua bolofaa va o Cɛi-Mɛlɛka-o nin a o cɛi lemasaa nin-ndo kpow, mó mulin mó pesipesi ɲɛm-laandun solia lasálàn n'sianin Salomɔn masaa Israɛl ndóò toosiaa, mí ndóò kɛsi o Cɛi-Mɛlɛka-o nin-ndon kpow mɛɛ Mɛlɛka ndóò dimi yɛ.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

2Masaa 25:15

Mí Nebusaradan, bolle vanaa kándà masaa-a cua vɛlɛ bombo vovaa ladɛngullo, taalala va le fuusaa lan, ɲɛm ndáà toosiaa a sianion-ndon a ɲɛm ndáà toosiaa a volin humbon-ndon kpow.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Daniɛl 5:13

O kon, má hun a Daniɛl o masaa lo. Mí masaa ɲuna ndu aa: «Nɔm co Daniɛl fula o vanaa nda hin o biyɔɔ nin-nda tɛɛn-ndo ni, a fuɲa nuu hin fulaa Yuda-a?

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Daniɛl 5:4

Mɛɛ nda kol mɔiyan, má kandu piɔmaa nda cɔw a sianion, a volin humbon, a daɲan, a cilinndon, a yɔmnde a á powtan-nda lisaa.

Yeremi 52:19

Mí simlacinɔ kpalilla cua vɛlɛ ɲɛm ndáà toosiaa a sianion a á volin latámán-ndon kpow: kpángàlan, kpɛɛnɛn lalɔɔon, bonyun fuusan, bombola kɔandaa lapultan, ɲɛ kɛsiaa lafitinaa, culan a ɲɛm-laandun celen.

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

2Dɛnnda lemasalan 36:18

Mí Nebukanɛsar cua ɲɛm baalan va o Cɛi-Hala-o nin-ndon kpow: n'bɛndon, n'pɔmbɔn, mó cua bolofaa va o Cɛi-Mɛlɛka-o nin-ndo, ó va masaa a vanaa ndɔa kúndàá o ba-o, mó kɔannun a ndu kpow Babilɔn.

2Dɛnnda lemasalan 36:10

Vɔsi sɛnɛiyo kandɔɔ le tiiyaa, mí Nebukanɛsar viam vannda, má hun bii ndu mó kɔa a ndu Babilɔn a ɲɛm báà kalan va o Cɛi-Mɛlɛka-o nin-ndon. Mó suili Sedekia, puapilɛ ndu Yehoyakin-ndo masaa Yudaa a Yerusalɛmnda coo.

2Dɛnnda lemasalan 15:16

Mí masaa Asa faŋa vɛlɛ Maaka mama ndɔ bolle vanlaandua le tùú Maaka ndóò sɛl piɔmndo le hala laandoo Asera-o. Mí Asa pesipesi sungbule len, mó loam-nden o pee pɔmbɔɔ Sedrɔn kɔngɔ.

2Dɛnnda lemasalan 11:20

O kon kɔɔli, mí Roboam yil vɛlɛ lanɔɔ diolan Maaka, cua Absalɔm-ndo. Mí Maaka vilul ndu Abiya, Atai, Siisa a Selomit.

2Samiɛl 9:7

Mí David dimul ndu aa: «Siòòŋii bii nɔm te. I yeema mi peelu diomnde nilen a nɔm le Yonatan fuɲa nɔm. I co nɔm lɛŋii Saul fuɲa nɔm mama-e mingul kpow. A vanin vɛlɛ lɔ́ɔ́-lɔ́ɔ̀ ɲɛdiaa dioo naa ŋiɔn latulu.»

Ɛsdras 5:14

O mɛɛlu ko a ken te, masaa Nebukanɛsar ndóò cua lɔ́ɔ́ kon ɲɛm diandan cɔwnun a sianion-ndon a n cɔwnun a volion-ndon o Cɛi-Hala-o nin Yerusalɛm mí ndóò kɔ kɛsi mun o cɛi máándo nin Babilɔn. Mí ndu masaa Siris pila viam vannda, má kɔ soli ɲɛm diandan mun o cɛi máán kon nin, mó sɔaa mun Sɛsbasar ndóò kɛsi masa ibungaa-o o ba.

Yeremi 50:35

Sɔɛi fula Mɛlɛka o sondo-e co hee ni aa: «Mɔɛi cɔwve, kuel Babilɔnnda. A kuel vanaa co o kobio Babilɔn nin-nda, má kuel vɛlɛ simlacia ndɔa a vanaa ndɔa dɛnɛ sinaa!

Daniɛl 5:3

Má hun a taalala n'sianila nda cua o Cɛi-Hala-o nin Yerusalɛm-ndan. O kon, mí masaa Baltasar, vanaa bɛndua, laandaa ndɔa a sámáá ndɔa a kol mɔiyan o taalala lan nin.

Daniɛl 5:30

Icɔl kon, má dii Baltasar masaa Babilɔn.