Daniɛl 5:16 - BII BILA

¹⁶ I tuei maa nɔm, a tiwba le kɔlɔ lɔma sɔlaan cɔmndo a sɔɔn viannanndon tɛɛsiaa. Taa nɔla pɛ sɛvaa ho a kɔlɔ ndɔɔ tɛɛsiaa, a vownin nɔm volɔɔla báà kalala lemasalan, mà vow nɔm yɔlɔn n'sianion o labolo. O kon kɔɔli, i yɔngunin nɔm fonda yàándɔɔ o masale nilen nin.»

Daniɛl 5:16 Referans Kwoze

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Daniɛl 5:29

Fɔ́ɔ́fɔ̀, mí Baltasar dimul buɛyaa ndɔa aa: «La vow Daniɛl volɔɔla báà kalala lemasalan. La vow yɔlɔn n'sianion ndu o labolo, mì la balu yondaa maa ndu cua fonda yàándɔɔ o masale nilen nin ni.»

O Kandɔɔ 40:8

Má mulul ndu aa: «Lɔan naa n sɔl ni, kɛ vana co nanu le naa kɔlɔ ndɔɔ cɔmndo le.» Mí Yosɛf dimi aa: «O co macoaa Hala le tɛɛsiaa kɔlɔ lɔma sɔlaan te? La cɔm-ndɔ ya lɔma niaa sɔl-lan.»

Dɛnnda kiilaa 8:18

Simɔn cɔu maa vanaa laalannda sɔla Hala Kɔl-Diandaa telen kiilaa handu nda balan coo-o, mó ke kiilaa kan volion,

O Kandɔɔ 41:15

Mí Faraɔnnɔɔ dimul ndu aa: «I sɔl lɔan, kɛ vana-vana tiwba le ya kɔlɔ ndɔɔ tɛɛsiallo le. Nduyɛ, i tuei maa nɔm, te vana cɔm nɔm pɛ lɔma sɔlaan, á tɛɛsial vana kon kɔlɔ ndɔɔ.»

O Kandɔɔ 41:42

Mí Faraɔnnɔɔ solin kelɛi o isu, mó vow Yosɛf, mó vow ndu volɔɔla kolala keesela kɛndɛ-kɛndɛlan, mó vow ndu yɔlɔn n'sianion o labolo.

Daniɛl 2:6

Kɛ, te la cɔm ya pɛ man a kɔlɔ ndɔɔ, la sɔlanin ɲɛm sɔvɛɔn a bɛɛlen ya o ba. Lelan, la cɔm ya lɔma sɔlaa ma man a kɔlɔ ndɔɔ.»

Daniɛl 2:48

O kon, mí masaa yɔngu Daniɛl fonda bɛndoo. Mó yɔngu ndu ɲɛm sɔvɛɔn taw-taw. Mó kɛsi ndu bollen o tàndá Babilɔn-ndo kpow coo, mó handu ndu bolle vanaa kɔlkalua Babilɔn kpow.

Daniɛl 6:2

Mí Darius kialu le masaa n'bungaa kɛmɛ a bidiin kɛsio o masale ndɔlen kpow coo.