Daniɛl 4:9 - BII BILA

⁹ Pei ndɔɛi ndíì naŋ o tofaa, ndóò kom kɔmnden pila. Ɲɛ-ɲɛ ka va baloo dɔwnɔnndo a yɔm kon. Visia va hunɔɔ pɛngio o vunduma ndɔan bɛngu, yowva va vɛɛnde tangullo o lɛvun ndɔn coo, ɲɛ-ɲɛ yoomaa va baloo dɔwnɔnndo a yɔm kon.

Daniɛl 4:9 Referans Kwoze

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Daniɛl 2:48

O kon, mí masaa yɔngu Daniɛl fonda bɛndoo. Mó yɔngu ndu ɲɛm sɔvɛɔn taw-taw. Mó kɛsi ndu bollen o tàndá Babilɔn-ndo kpow coo, mó handu ndu bolle vanaa kɔlkalua Babilɔn kpow.

Daniɛl 4:8

Mí yɔm kon hindu taw, mó sɔla kpaayaa, mí bolle ndɔlen le tiiya háá o halataala. Nɛɛ-nɛɛ vanáà sim pɛ o ceendo coo, áà ce ndu.

Daniɛl 4:5

O mɛɛlulan, mí Daniɛl nda ke diolan aa Bɛlsasar mɛɛ diola hala nuu pilɔɔ la co yɛ-o bɛɛ tiiya o ya lo. Daniɛl kon pɛɛn, o nɔ kɔlkalu halaa diandaa nin-ndo. Mí cɔm ndu lɔma ya sɔl-lan.

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Esekiɛl 28:3

A co yiyanndo maa a hiow Daniɛl kɔlkaloo, a nɔ o kɔl maa ɲɛ-ɲɛ ve o viannan a nɔm te.

O Kandɔɔ 41:38

O kon mí Faraɔnnɔɔ ɲuna vanaa bɛndua kan aa: «N sɔlanin pá vanndo o tiwnin ba le vali kon tosaa-o maa poo ho, o kɔl Hala-o co hoo nin-ndo?»

Daniɛl 4:18

o nɔ kon pei kɛndɛi a kullon taw-vo, yɔm yɔngu kon ɲɛ-ɲɛ yoomaa ɲɛdiaa-o, ò visia yondoa pɛngi kon o vunduma ndɔan bɛngu, mì yowva coocoo tangul vɛɛnde o lɛvun ndɔn coo-o,

Esai 54:14

Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.

Esai 33:18

Kɔl nɔmndo loonunnin a siòòŋii bii nɔm pandu-e, o kon a ɲunannin aa: «Ɔ́ɔ̀ nɛɛ vana sɛvaa coo-a? Kuɛɛ nɛ vana mandaa bolofaa co yɛ? Ɔ́ɔ̀ vana va keiyo cɛila coocoolan mɛɛndanndo-o?»

1Samiɛl 4:8

A toɲa, n kɔndu dɛnɛ a vannda dɛ! Nɛ̀ɛ́-nɛ̀ soli yɛnin naa Hala kpaaya bɛndu tuisi kon Esiptea sangala súú-súù ka coo o lɛŋnde veselɛilen nin-ndo o ba?

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Esekiɛl 17:23

I tɔalnin ndi o pembii bɛndu-bɛnduei coo o lɛŋnde Israɛl-ten nin. I dɔawnunnin fuma, mì i kom taw-taw, o kon kɔɔli, i siŋnunnin yɔm sɛɛdre kɛndɛ-kɛndɔɔ. Yowva súúlan kpow a vanin kɔlan pɛngio lecoo, a calnin o vunduma lɛvun ndɔn bɛngu.