Daniɛl 4:5 - BII BILA

⁵ O mɛɛlulan, mí Daniɛl nda ke diolan aa Bɛlsasar mɛɛ diola hala nuu pilɔɔ la co yɛ-o bɛɛ tiiya o ya lo. Daniɛl kon pɛɛn, o nɔ kɔlkalu halaa diandaa nin-ndo. Mí cɔm ndu lɔma ya sɔl-lan.

Daniɛl 4:5 Referans Kwoze

Daniɛl 2:1

O vɔsi diinndɔɔ nin, o masale Nebukanɛsar len bɛngu, mí ndu Nebukanɛsar pila sɔl lɔan. Mí yiyan ndɔɔ laasian háá mó kpennda lahɔl.

Daniɛl 7:28

Nanu sɔɛi he i mɛɛlu ni. Ya Daniɛl, mí yiyan nuu laasian taw. Mí hɔlaa niaa mangalan, kɛ mí mandan sɔɔn mun o kɔl kpíŋ.»

Daniɛl 5:10

Mɛɛ kalaa masaa tuei sɔɔn mun, mó hun o cɛi kafo kon nin, mó dimul masaa aa: «Òó masaa, màá viow yoomu fɔ́! Yiyan nɔmndo laasian te. Kɔɔle nɔmnden le mangalan te.

O Kandɔɔ 41:1

O sɔɔn mun kɔɔli, mí vɔsila tiɔn la hiaw. Paale pilɛ, mí Faraɔnnɔɔ sɔl lɔan. Mó cannun isisi o pee bɛndoo Nil kɔngɔ.

Daniɛl 2:3

Mó dimul nda aa: «I sɔl lɔan mí yiyan nuu laasian. I yeema mì la cɔm ya lɔma ya sɔl man-ndan.»

Daniɛl 4:10

I va vɔ ihini, mí ca mɛlɛkanɔ cumulaa, ɲɛ yoomaa diandaa va tolɔɔ fulaa o halataala-o pɛɛn.

Daniɛl 4:13

Kɔl ivanacieeyaa faŋannin ndu nin, mì kɔl ivisiyaa luɛi ndu nin, mò lo lende háá vɔsilan laŋɔmmɛw!

Daniɛl 4:19

nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.

Daniɛl 7:1

O vɔsi tase Baltasar va o masalen coo Babilɔn-ndo. Daniɛl va o kpele ndɔɔ coo, mó sɔl lɔan, mó ca vunduan o yiyan ndɔɔ nin. Mó sɛva lɔma ndɔma man,

Daniɛl 1:7

Mí bolle vanaa masaa ndóò kɛsi kɔllo coo-a baŋ nda diola celen: mí Daniɛl sɔla diolan aa Bɛlsasar, Hanania aa Sadrak, Mikaɛl aa Mesak, Asaria aa Abɛd-Neko.

Daniɛl 4:15

«Ya masaa Nebukanɛsar, lɔma ya sɔl-lan ma co man ni. Nɔm, Bɛlsasar, cɔm ya kɔlɔ ndɔɔ, kani vana pilɛ bɛɛ nɔla ya kɔlɔ ndɔɔ cɔmndo o vanaa kɔlkalua co o masale nilen nin-nda tɛɛn te. Kɛ nɔm, a nɔla ma tɛɛsial-la man, kani a nɔ kɔl halaa diandaa nin.»

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.