Daniɛl 4:34 - BII BILA

³⁴ Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Daniɛl 4:34 Referans Kwoze

Dɛnnda cɔɔmuanndan 4:10

bɛndua yuuvɛiyaa bidiin a à hiɔɔlua baŋ vulan vana co icali o kpɛŋɛ lemasaa nin-ndo o labɛngunin, a biilu vana co yoomu le fɛɛn a fɛɛn-ndo, o kon a vuu mɔsilta ndala lemasalan o kpɛŋɛ lemasaa hɔl-ndɔ a dimio aa:

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Luke 1:33

O vanin masalen tosaa polale Yakɔb len coo le fɛɛn a fɛɛn, masale ndɔle len le nɔnin lamɛɛlu le.»

Daniɛl 5:21

Má toaw ndu mó faŋan vanndacieea tɛɛn. Mí yiyan ivisiyaa luɛi ndu nin. Mó kɔ cal yondoo nin nda sofɛlɛa yondoa latulu. Mó dɔawnun balo a billo maa naw. Mí kɔɔle ndɔlen le lindan o kɛmndan nin háá mó sina maa Hala-Hiow-Ɲɔɔn-Kpow-vo nɔ masalen o ceendo coo o labɛngunin ni. O siinguu vana o yeema-o masaa.

Daniɛl 4:26

Kani paangon tɔ́ a n'miun hiovɔɔ, o va balɔɔ o cɛi ndɔ bɛndu lemasaa coo Babilɔn,

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Daniɛl 4:3

Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.

Cɛɛŋɔnnda Yeremi lan 3:38

Vɛ̀ɛ̀ o co Ó-Hiow-Ɲɔɔn-Kpow-vo o sondo le dɛnɛ vɔɔndo a dɛnɛ kɛndɔɔ fula le?

Esai 24:15

A biilunin vɛlɛ Mɛlɛka nɛɛ ɲɛ-tengaa co biyɔɔ-a, a biilunin diola Mɛlɛka, Hala Israɛlla lan o lɛŋii co o mɛmma ihɛllan tɛɛn-nde nin.

Condii lisai 146:10

Mɛlɛka co masa fɛɛn-fɛɛndo ni. Niaa vanaa co Siɔn-nda, ndu co Hala niaa le lɔ́ɔ́-lɔ́ɔ̀ ni. La lisa ndu!

Condii lisai 123:1

Condii vannda keì solio nɛi-tɛɛn o kɔlan-nde. I heelu hɔlla mí tofa nɔm Mɛlɛka, nɔm co masalen tosaa o halataala-o.

Condii lisai 121:1

Condii vannda keì solio nɛi-tɛɛn o kɔlan-nde. I co tofaa a kpengii pembon. Ɔ́ɔ̀ vana malanin ya-o?

Condii lisai 107:31

La lisa Mɛlɛka le kaola ndɔ nɔ lamɛɛlu loo a le dɛnnda kɛndɛla o co tosaa le vanndacieea lan.

Condii lisai 102:24

I va tɛɛn kpafii o ceen nuu nin, mó soli ya yoomuan, mó bingi yoomu nuu.

Condii lisai 92:1

Condii vana soli o paale pɛngiaalen coo-e.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Nsaŋ 5:26

Kani mɛɛ Fuɲa nuu nɔ yoomoo niŋ yɛ, lende koni o cɛl ni mí Poo bɛɛ nɔ yoomoo.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Condii lisai 107:22

La solul ndu sálàla malaalahakilan, la cɔm dɛnnda ndɔlan kpow a deŋi kɔlkɛndɔɔ.

Condii lisai 107:15

La lisa Mɛlɛka le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Condii lisai 107:8

La mel Mɛlɛka balika le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

Condii lisai 9:2

Mɛlɛka, i lisanin nɔm a kɔl nuu kpow, i cɔmnin dɛnnda kaamaala nɔmndan kpede.

Condii lisai 7:17

O kon, dɛnɛ palaa o toosiaa-o del ndu pila o lebol, kɔlvesɛi ndɔɔ hulun ndu pila o kpokpo.

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,

Dɛnnda cɔɔmuanndan 4:9

Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Yonas 1:14

O kon, má koŋul o Mɛlɛka lo, má dimi aa: «Éé Mɛlɛka! N co nɔm tɛɛlun, dii naa kpede le langbanɔɔ ho ndu pilɛ le. Handu vɛlɛ naa piɔ́m vana tɛɛmbuu isɔɔ a naa loo coo le, kani nɔm Mɛlɛka pila tosa ɲɛ hɛnan nɔm-ndo ni.»

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

2Samiɛl 22:31

Hala ndu, nɛi ndɔɔ tiwnun, sɔɛi Mɛlɛka-e co idiandaa válán. Ndu co vana kanda vanaa viannun ndu o ba bɛngu-a kpow-vo ni.

1Dɛnnda lemasalan 29:10

Mí David mel Mɛlɛka balika vannda kpow o hɔl, mó dimi aa: «Biiloo co le nɔm, Mɛlɛka, Hala Yakɔb, fuɲa naa mamaa-o, nɔm co fuɲa naa le fɛɛn a fɛɛn ni.

1Dɛnnda lemasalan 29:13

Sisa Hala naa, n mel nɔm balika mí n lisa diola nɔmnda sɔvɛlan.

Condii lisai 66:7

O co masalen tosaa a kpaayaa lɔ́ɔ́-lɔ́ɔ̀. O co vanaa-mangalaa-isɔɔa mɛɛndanndo ciŋ. Màá yaamɔɔa simul ndu le dɛ!

Condii lisai 111:7

Ɲɛ-ɲɛ o tosa pɛ, ndu cɔm maa Mɛlɛka lo o lediom coo-o a Mɛlɛka sandaa o co ni. Silala ndɔlan kpow, silala toɲalan la co ni.

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Esai 13:11

A toɲa, ya Mɛlɛka, I kpoosanin ceendo le kɔlvesɛi ndɔɔ. I fukpanin vanaa kɔlvesɛiya le yɔŋ vɔɔn ndaa. I ciinin yonga vanaa heelannda. I ɲuminin kuundian masaa kɔlvesɛiya.

Daniɛl 9:14

Lelan, nɔm Mɛlɛka, má tuisi naa dɛnɛ palaa coo. Kani a sandu o dɛnnda n tosa lan kpow nin, kɛ naa, n bii diom nɔmndo le, nɔm Hala naa pɛɛn.