Daniɛl 4:33 - BII BILA

³³ O telen kon bɛngu, mí kɔlkalu ivanacieeyaa muungu ya nin. Le bɛɛle masale nilen, mí biiloo a naŋɔɔ muungu ya o ba. Mí vanaa nia silaa a vanaa bɛndua hun ya kɔɔli. Má mingi ya kɛsi o masale nilen coo. Mí tɔ́ɔ́ nuu a vanabɛnduyɛi nii cɔɔlu kui taw hiovɔɔ maa paandu.

Daniɛl 4:33 Referans Kwoze

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 5:21

Má toaw ndu mó faŋan vanndacieea tɛɛn. Mí yiyan ivisiyaa luɛi ndu nin. Mó kɔ cal yondoo nin nda sofɛlɛa yondoa latulu. Mó dɔawnun balo a billo maa naw. Mí kɔɔle ndɔlen le lindan o kɛmndan nin háá mó sina maa Hala-Hiow-Ɲɔɔn-Kpow-vo nɔ masalen o ceendo coo o labɛngunin ni. O siinguu vana o yeema-o masaa.

Daniɛl 5:5

Fɔ́ɔ́fɔ̀, mí suon ba vanacieo n fula ceen, mí n kandu sɛvaa o cìì cɛi lemasaa coo, nɛɛ nda kɛsi ɲɛ kɛsiaa lafitina bɛndoo-a kɔɔli. Mí masaa ca ba vanaciee kon sɛvaa.

Esai 30:14

O komba pɛ o piɔsi mɛɛ kpɛɛnɛi vana cɔavaa n'kpɛɛnɔɔ piɔsi nuaa yɛ. Ì piɔl pɛ, ì cuinun yukulu, hali tɛndu pɔmbɔɔ le yinnden cuaa lenin o yinndaceele, o sɔ́lan te, o co vɔ bɛɛ le tɛndoo sɔlaa le mɛnndan kɔndɔɔ o kpɛɛnɛi bɛndu-bɛndui mamɛnnde nin te.

SƐBƐ YƆB-O 20:5

le telen bingi kínɛí vana kɔlvesɛiyo tiw dɛnɛ ba ni, kɔlkɛndɛ vana yɔŋ vɔɔndo bendu bu le.

1Tesalonikea 5:2

kani niaa pila sìna ɲɛkɛndɛi maa paale Maalii hunin-nden le vanin ko maa paale vuiyo hinul vana icɔl-ten.