Daniɛl 4:32 - BII BILA

³² Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 4:32 Referans Kwoze

Daniɛl 5:21

Má toaw ndu mó faŋan vanndacieea tɛɛn. Mí yiyan ivisiyaa luɛi ndu nin. Mó kɔ cal yondoo nin nda sofɛlɛa yondoa latulu. Mó dɔawnun balo a billo maa naw. Mí kɔɔle ndɔlen le lindan o kɛmndan nin háá mó sina maa Hala-Hiow-Ɲɔɔn-Kpow-vo nɔ masalen o ceendo coo o labɛngunin ni. O siinguu vana o yeema-o masaa.

Yeremi 27:5

Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

Yosue 4:24

O tosa kon, haliko mi vannda o lɛŋnden kpow coo a sina mɛɛ o nɔ kpaayaa yɛ, mì siòònde bii nda a ndu Mɛlɛka Hala niaa le lɔ́ɔ́-lɔ́ɔ̀.»

Fulaa 9:29

Mí Moise mulul ndu aa: «Te i faŋan dɔ́ɔ́ ciee nanu pɛ, i heelu balan o Mɛlɛka lo le ndu tɛɛlɔnndo. O kon, taŋndan ma pɛngi deŋio, loeon bɛɛ n pɛngi delio, haliko ma sina maa Mɛlɛka nɔ lɛŋnden ni.

Fulaa 8:10

Mɛɛ nda vi, má diw nda bémbéla bɛndulan yilin-yilin, mí lɛŋnden le fula cun kuí-kuí.

Esai 37:20

Lelan, yandi Mɛlɛka Hala naa, baŋa naa sunsun mà soli naa Sennakerib o ba, haliko mi masɛi co o lɛŋnden coo-e kpow i sina maa nɔm pilɛ kpé co Mɛlɛka ni.»

Fulaa 9:14

Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.

Esai 45:3

I yɔngunin nɔm bolofaa viannanndo a ɲɛ-sɔlaa co o kumbaa kpíŋ-ndo, haliko ma sina maa ya co Mɛlɛka co nɔm veeloo a diola nɔmndan ndo ni, Hala cuavaa Israɛlla pɛɛn.

2Dɛnnda lemasalan 33:13

mó piɛi ndu. Mí ɲííye bii Mɛlɛka, mó mulul ndu, mó mingu ndu Yerusalɛm a o masale ndɔlen nin. O kon, mí Manase sina maa Mɛlɛka co Hala ni.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Daniɛl 4:31

O vɔsila ŋɔmmɛwla Mɛlɛka kelu lan-ndan mɛɛlulan, mí ya Nebukanɛsar heelu hɔlla o halataala, mí kɔlkalu ivanacieeyaa muungu ya nin. O kon, mí candu Ó-Hiow-Ɲɔɔn-Kpow-vo, mí lisa Vana-Co-Yoomu le fɛɛn a fɛɛn-ndo, mí sangala ndu. Ò vanabɛnduyɛi ndɔɛi nɔ lamɛɛlu loo, ò masale ndɔlen le co le fɛɛn a fɛɛn-ndo.

SƐBƐ YƆB-O 9:12

Te o bii pɛ ɲɛ, nɛ̀ɛ́-nɛ̀ nɔla yɛ ndu hiɔlɔɔ ndu o ba? Nɛ̀ɛ́-nɛ̀ tɔɔndan yɛ mò ɲuna ndu aa: ‹Yɛɛ n co yɛ kon tosaa?›

SƐBƐ YƆB-O 42:2

«I sinà maa a tiwba mà tosa dɛnɛ súú-súù ka, maa ɲɛ-ɲɛ pala nɔm le tuula nɔmndan peeloo le.

Condii lisai 115:3

Hala naa co o halataala, o co hɛnan ndɔɔ kpow tosaa.

Condii lisai 135:6

O co dɛnnda o yeema lan kpow tosaa, dɛnndan o halataala a laan o lɛŋnden coo, laan o mɛmma ihɛllan coo, a la co le bɛngu-an.

Esai 40:15

Tofa vɔ, vanaa-mangalaa-isɔɔa co ndu o hɔl maa mɛmma tue-tuema deli fulaa o baava lulɛiyo nin-ndan, a co ndu o hɔl maa cundu lusul too, o hoeiye cua-o pɛɛn! Lɛŋii co o mɛnndan tɛɛn-nde ndi co macoaa ndu o hɔl maa cundu yukuyuku sɛŋin coocoo o hoeiye nin-ndo.

Esai 40:17

Vanaa-mangalaa-isɔɔa kpow co ndu o hɔl maa ɲɛ fondo, a co ɲɛ-ɲɛ le ndu le, ɲɛ fondoo fúú.