Daniɛl 4:31 - BII BILA

³¹ O vɔsila ŋɔmmɛwla Mɛlɛka kelu lan-ndan mɛɛlulan, mí ya Nebukanɛsar heelu hɔlla o halataala, mí kɔlkalu ivanacieeyaa muungu ya nin. O kon, mí candu Ó-Hiow-Ɲɔɔn-Kpow-vo, mí lisa Vana-Co-Yoomu le fɛɛn a fɛɛn-ndo, mí sangala ndu. Ò vanabɛnduyɛi ndɔɛi nɔ lamɛɛlu loo, ò masale ndɔlen le co le fɛɛn a fɛɛn-ndo.

Daniɛl 4:31 Referans Kwoze

Dɛnnda cɔɔmuanndan 16:7

O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Nsaŋ 12:28

Pua, cɔm vannda biilu diola nɔmndan.» O kon, mí diomndo pum soaa o halataala aa: «I cii nihau biilu ndɔɔ cɔm, la sɔlanin vɛlɛ biiloo.»

Daniɛl 5:28

Farsin! Kon co dimio ni aa: ‹Piɔwvo›. Masale nɔmnden le piɔwnun, mí le yɔngun yungoo Medii a yungoo Pɛrse.»

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Daniɛl 4:24

Lelan, yandi masaa, yaŋ nilan o sila nuu. Mulul hakila nɔmndan kɔɔ, mal yɔŋ vɔɔndo, ma tosa dɛnɛ sandaa a toɲaa. Mal kɔlvesɛiyo, ma tuinun vanaa co o sangaa nin-nda iɲíí, haliko ma viow o dɛnɛ kɛndɔɔ nin.»

SƐBƐ YƆB-O 20:23

Tuma o va ɲɔɔn nuwviaa le dembe ndɔɔ peiyo-o, Hala tuisi ndu yinnde kɔl ndɔ tuwvo coo, le sia ndu coo, le siŋnun balo ndɔɔ.

1Samiɛl 15:23

Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»

1Samiɛl 13:14

Lelan, masalen le hɛlun nɔm. Mɛlɛka cii vana celen hɛli, vana o hini kɔl-lo pɛɛn. O cii ndu siinguu simlacinɔ vanaa ndɔa, kani nɔm, a bii sila o yɔngu nɔm-ndo le.»

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Esai 14:27

Nduyɛ Mɛlɛka-Nɔ-Kpaayaa-Kpow-vo kɛɛsiaa lende ni, Nɛ̀ɛ́-nɛ̀ co yɛ mo sɛɛngiaa diom ndɔɔ? Ba ndɔɔ cuu heelu, nɛ̀ɛ́ nɔla yɛ mò tuisi ndu?»

Daniɛl 4:26

Kani paangon tɔ́ a n'miun hiovɔɔ, o va balɔɔ o cɛi ndɔ bɛndu lemasaa coo Babilɔn,

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 5:20

Kɛ mó kuundian háá mí kɔl ndɔɔ pia a yongaa, mó kindi nilan. Lelan, mí Hala faŋa ndu o kpɛŋɛ ndɔ lemasaa coo. Mí biilu ndɔɔ hialun ndu.

O Kandɔɔ 14:18

Mí Mɛlkisedɛk, masaa Salɛm, ó va vana-solia-lasálà Hala-Hiow-Ɲɔɔn-Kpow-vo-o hun a buloo a á mɔiyan.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Daniɛl 6:27

«Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›