Daniɛl 4:30 - BII BILA

³⁰ O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Daniɛl 4:30 Referans Kwoze

Talelan 16:18

Kuundianndo hun a dɛnɛ palaa ni, yongaa cuu vana tambei ni.

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Dɛnnda cɔɔmuanndan 17:5

Diolan lapum la va lasɛvaalan ndu o itendu, diola kɔndɔfiltan pila aa: «Babilɔn bɛndoo, kalaa vanlaandua suundɛiya a mààla co o lɛŋnden coo lan.»

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Esekiɛl 29:3

Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Condii lisai 73:8

À co vannda mamɔɔ, à co sɔɔn kɔlvesɛiyon dimio, à co sɔɛi vannda coo a yongaa le nda saangiaa.

Condii lisai 49:20

a kon kpede, mɛɛ mò dem fuɲaa ndɔa mamaa, á ci lɛnin ɲɛ-tengaa lɔ́ɔ́-lɔ́ɔ̀ le-a.

Dɛnnda cɔɔmuanndan 18:21

O kon mí mɛlɛkanɔ kpaayaa pum cua pow va maa ciei lusulaa bɛndu-o, mó mal ndu o mɛmma ihɛllan nin, mó dimi aa: «Nuaa Babilɔn kobi bɛndoo viawnunnin fakolo ni, o kon vana ci lɛnin ndu le.»

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Condii lisai 104:1

I yeema mì mel Mɛlɛka balika! Mɛlɛka Hala nuu, a co o bɔɔ! A vownun biiloo a vanabɛnduyɛi maa doma bɛndu.

Ɛstɛr 1:4

Mó cɔm nda bolofaa ndɔɔ a biilu ndɔ lemasale, mó cɔm nda mɛɛ naŋɔɔ ndɔ bɛndu-bɛndoo va yɛ. Mí kafo kon viaw taw-taw, palɛi kɛmɛ a belaŋɔmaa a va kafoo tosaa tuŋ.

O Kandɔɔ 10:10

Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Esai 13:19

O kon, kobio Babilɔn, o cɔm salamayɛi masɛi-yo, kobi kɛndɛ Kaldea co kon sangalanndo-o siŋnunnin maa Sodɔm a Komɔr, kobila Hala tɛɛmbuu lan-ndan pɛɛn.

Daniɛl 4:31

O vɔsila ŋɔmmɛwla Mɛlɛka kelu lan-ndan mɛɛlulan, mí ya Nebukanɛsar heelu hɔlla o halataala, mí kɔlkalu ivanacieeyaa muungu ya nin. O kon, mí candu Ó-Hiow-Ɲɔɔn-Kpow-vo, mí lisa Vana-Co-Yoomu le fɛɛn a fɛɛn-ndo, mí sangala ndu. Ò vanabɛnduyɛi ndɔɛi nɔ lamɛɛlu loo, ò masale ndɔlen le co le fɛɛn a fɛɛn-ndo.

Habakuk 1:11

A cii lon pɛ, a hiow vɛlɛ laci maa hoeyii fùkù-fùkù, le kɔlan nɛɛ celen. Nda nda, kpaaya ndaa co hala ndaa ni, ndu nda tiindan ni.»

Talelan 11:2

Yongaa luɛi pɛ vanndo, vannda pɛɛsa ndu, vanaa tuisiannda nɔ kɔlkaloo ni.

Luke 14:9

mì vana veelu nɔm niaa vana kon-ndo hun dimul nɔm aa: ‹Mel ndu fondaa ho›. O kon siɛmbulan la biinin nɔm le kɔlan calle o fonda mɛɛlaa.