Daniɛl 4:27 - BII BILA

²⁷ mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

Daniɛl 4:27 Referans Kwoze

Yonas 3:9

Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»

Dɛnnda kiilaa 8:22

Lelan, mal yiyan vɔɔn n nɔ hoo-o, mà piɛi Mɛlɛka, o kon te o nɔla pɛ tosan, mò mal nɔm haki le yiyan n sɔla ho o kɔl-lo.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

Talelan 16:6

Vana nɔla biondɔnndo toosiaa a vanakɛndɛyɛi a á sakpoyɛi. A siòòŋii Mɛlɛka-e vana nɔla dɛnɛ vɔɔndo kpakpalaa.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Esekiɛl 18:7

o saangiaa vana le tɔnɔ soli ndu o n'dial too, o mingul vana yow ɲɔɔ ndu o ba-o landii ndɔɛi-yo, o tosa levui loo, o yɔngu vana yiaan má co nɛiyo-o ɲɛdiaa ndɔɔ-o, o yɔngu vana fɛlio co-o ɲɛ cuɛinan ndɔɔ-o,

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

1Masaa 21:29

«A ce mɛɛ Akab tuisin tootoo ya o hɔl-lɛ? Le tùú o tuisun tootoo ya o hɔl-lo, i tuisinin dɛnɛ palaa ho telen o co yoomu-o le, kɛ telen po ndɔɔ vanin masaa-o ya tuisinin yungu ndɔɔ dɛnɛ palaa kalaa coo ni.»

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Condii lisai 119:46

I diminin tɔŋnda nɔmnda lan masaa o hɔl, siɛmbula biinin ya le.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Tɔŋ miingua 24:13

La bɛnda mì la mingul ndu ɲɛ o lendul niaa o ba-o a paale delaalen, haliko mo kuumbun doma ndɔ bɛndoo, mò dɔw niaa duaa, mi dɛnɛ kon siŋnun dɛnɛ sandaa Mɛlɛka Hala niaa o hɔl.»

Yeremi 29:7

La kindin mì kobi niaa co nin o biyɔɔ nin-ndo sɔla dɛnɛ kɛndɔɔ. La piɛi Mɛlɛka le ndu, kani o sɔla pɛ dɛnɛ kɛndɔɔ, niaa bɛɛ la sɔla ndu.›»

Yeremi 38:20

Mí Yeremi muli aa: «A melnin nɔm nda o ba le. Tuei-yɔ diom Mɛlɛka dimi-o aa ɲɛ-ɲɛ vɔɔn yɔŋnunin nɔm te, a lonin yoomu.

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

Tɔŋ miingua 8:17

Lelan, la caa, yɔŋii niaa hun dimi aa: ‹A yoomuma naan a á kpaayaa naa naa n sɔla bolofaa ho kpow ni›.

Tɔŋ miingua 32:27

Ɲɛ ya kiisan le ken tosaa-o koni co ni, yɔŋii yaamɔɔa sɔla talen ma yei ya, yɔŋii vanaa nɔ nɛyɔn ndaa-a pɔɛɛnun mà dimi aa: ‹A kpaayaa naa naa n nɔla nda nuaa ni. O co Mɛlɛka le tosa kon kpow le.›

Talelan 11:2

Yongaa luɛi pɛ vanndo, vannda pɛɛsa ndu, vanaa tuisiannda nɔ kɔlkaloo ni.

Esai 10:13

Kani o co dimio aa: A kpaaya ba nuu ya tosa dɛnɛ nuaa ni, a kɔlkalu nuu ya tosa kon kpede ni, kani i sina bɔɔ dɛnɛ! I faŋa pɛɛngula vanaa-mangalaa-isɔɔa taw. I poondiaa nda bolofaa ndaa o ba. I faŋa vanaa va masalen tosaa o kpɛŋɛla lemasalan coo-a maa kuubanɔ dialun kala.

Esai 47:8

Lelan, la yaŋ niko nilan, niaa vanaa vannda yeema haa yeema bɛndoo-a, niaa co icali a tiindanndo-a. La co dimio o kɔlta niaalan nin aa: «Naa koni mɛnnde sɔɔ toal o hɔl ni, vana celen co ɲɛ le fɔ naa! N viinin n'laandu, te kon te n'piaandu le, N viinin vɛlɛ n'cuaw le fɛɛn a fɛɛn te!»

Esai 47:10

Kɔlvesɛi niaa niáà laalan ni, la va dimio aa: «Vana-vana co naa cɔ le!» Kɔlkalu niaa a dɛnɛ sinaa niaa hiŋ niaa hɔlla. La va dimio o kɔlta niaalan nin aa: «Naa koni mɛnnde sɔɔ toal o hɔl ni, vana celen co ɲɛ le fɔ naa!»

Esekiɛl 29:3

Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.

Esekiɛl 29:9

Lɛŋnde Esipte len le siŋnunnin lɛŋnde piɔlɛilen a bémbélan kposon. O kon vannda sinanin maa ya co Mɛlɛka ni, kani Faraɔnnɔɔ dimi aa ndu nɔ pee bɛndoo Nil ni, aa ndu toosiaa ndu ni.

Amɔs 6:13

Le ɲɛm co ɲɛ-ɲɛ le-on niaa dɔawnun ɲaale ni. La co kuundianndo a dimio aa: Vɛ̀ɛ̀ o co a kpaaya naa pilaa le naa n sɔla yoomuan man te?

Habakuk 1:11

A cii lon pɛ, a hiow vɛlɛ laci maa hoeyii fùkù-fùkù, le kɔlan nɛɛ celen. Nda nda, kpaaya ndaa co hala ndaa ni, ndu nda tiindan ni.»

Sofoni 2:15

Àá! Ninive vannun a kɔlkɛndɔɔ, o vannun nila ɲulu o kɔlkɛsiaa nin. Vanaa va lenin-nda va dimio aa: ‹Naa n co naa ni! Vana-vana co maa naa le!› La tofa vɔ mɛɛ kobi kon siŋnun ciee-piɔ́mndo yɛ. La tofa vɔ mɛɛ o siŋnun bɛ̀mɛ́lta visia yɛ. Vana-vana kei pɛ ndu ikɛi, o kpinga a hùíyé hɔŋndo a á baa hiiloo.»