Daniɛl 4:19 - BII BILA

¹⁹ nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.

Daniɛl 4:19 Referans Kwoze

Daniɛl 8:27

O kon, ya Daniɛl, mí del a nàá o palɛi taw bɛngu, mí ɲaw sɛ́ɛ́n. O kon kɔɔli, mí siangu, mí muungu baala nuu tosaa o masaa lo. Mí kɔndɔfillo bii ya a vundule len, mí buulan taw, i bii ɲɛ-ɲɛ bila le.»

Daniɛl 7:28

Nanu sɔɛi he i mɛɛlu ni. Ya Daniɛl, mí yiyan nuu laasian taw. Mí hɔlaa niaa mangalan, kɛ mí mandan sɔɔn mun o kɔl kpíŋ.»

Daniɛl 4:24

Lelan, yandi masaa, yaŋ nilan o sila nuu. Mulul hakila nɔmndan kɔɔ, mal yɔŋ vɔɔndo, ma tosa dɛnɛ sandaa a toɲaa. Mal kɔlvesɛiyo, ma tuinun vanaa co o sangaa nin-nda iɲíí, haliko ma viow o dɛnɛ kɛndɔɔ nin.»

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

1Samiɛl 3:17

Mí Helii ɲuna ndu aa: «Sɔɛi yɛɛ nɛ Mɛlɛka dimul-lɛ nɔm? Vin ya ɲɛ-ɲɛ le. Hali diomnden lepilɛ n kɛɛ le ya dimullo ni, màá Hala tuisi sanga hiow sangalan kpow-vo nɔm coo, mò dɔw nɔm yɛɛvɛ!»

Habakuk 3:10

Pembon co nɔm cɔu mì n va ɲiiyaa, Piɔɔ bɛndu-bɛndoo hin súlùlù mò va siaa. Mɛmma bɛnduma nɔ lamɛɛlu lean ma co kuŋndo, ma co tindian heeloo háá o halataala.

Daniɛl 7:15

«Ya Daniɛl, mí yiyan nuu laasian ya nin, mí hilul.

Daniɛl 5:12

Mɛɛ kɔl kaamaa kon, dɛnɛ sinaa pɛɛkaa a sinapɛngoo le lɔma sɔlaan a vunduan tɛɛsiaa co Daniɛl kon nin yɛ, o nda ke diolan aa Bɛlsasar-o pɛɛn, veelu ndu mò cɔm nɔm sɛvaa ho a kɔlɔ ndɔɔ.»

Daniɛl 2:26

Mí Masaa ɲuna Daniɛl, o ndáà ke diolan aa Bɛlsasar-o aa: «A tiwba ma cɔm ya lɔma ya sɔl-lan a kɔlɔ ndɔɔ?»

Daniɛl 1:7

Mí bolle vanaa masaa ndóò kɛsi kɔllo coo-a baŋ nda diola celen: mí Daniɛl sɔla diolan aa Bɛlsasar, Hanania aa Sadrak, Mikaɛl aa Mesak, Asaria aa Abɛd-Neko.

Yeremi 29:7

La kindin mì kobi niaa co nin o biyɔɔ nin-ndo sɔla dɛnɛ kɛndɔɔ. La piɛi Mɛlɛka le ndu, kani o sɔla pɛ dɛnɛ kɛndɔɔ, niaa bɛɛ la sɔla ndu.›»

1Masaa 18:7

Obadia lo kɔlan o nɛi, mó bɔŋan nda Elii, mó sina ndu, mó del o kuumbuan ndu o labɛngunin, mó ɲuna aa: «Vɛ̀ɛ̀ nɔm lekɛ́ndɛi ni, fallo Elii?»

1Samiɛl 26:15

Mí David ɲuna ndu aa: «Abnɛr, vɛ̀ɛ̀ vanapɔnɔɔ o tiiyàà kpɔdɔ le n co le? Ɔ́ɔ̀ kuubanɔ cɔw sulan a nɔm o lɛŋnde Israɛl-ten nin-ndo? Kɛ le yɛɛ nɛ a kanda vana nɔm bɛndoo le, masaa pɛɛn? Mí vanndo pum hun le masa kon diyɔɔ, masa co kon vana nɔm bɛndoo-o pɛɛn.

1Samiɛl 24:8

A sɔɔn mún David nɔla langbaa ndɔa ni, mó kuuna nda le Saul delɔɔ coo. O kon mí Saul can, mó fula o buulula lan nin, mó bii nɛiyo le kɔlan nɛɛ o va kɔlan-nda.

1Samiɛl 1:15

Mí Anɛɛ mulul ndu aa: «Vana ni bɛndoo, o co mamɔi le ma bii ya le. Vanalanɔ dɛnɛ palaa co coo-o ya co ni, kɛ i kol mamɔi le. Mɛlɛka ya hin sanga nuu cɔm ni.

Fulaa 32:32

Yandi, mal nda haki le yɔŋ vɔɔn ndaa. Te o co yɛ dɔ́ɔ́ lende le, mɛɛ ɲumi diola nilan nɛɛ n sɛva lan o sɛbɛ cindaa nin-nda.»

O Kandɔɔ 32:18

O kon kɔɔli, mó sila buɛi ndɔ tasoo aa: «Te la bɔŋan pɛ niaa Esau bɛ ni mò ɲuna nɔm aa: ‹Nɛ̀ɛ́-nɛ̀ co yɛ vana nɔm bɛndoo? Kuɛɛ n co yɛ kɔlan? Nɛ̀ɛ́ nɔ yɛ cɔlua co nɔm haa laci-a?›.

O Kandɔɔ 31:35

Mí Rasɛl dimul fuɲa ndɔ aa: «Vana ni bɛndoo, te i cen nɔm o hɔl mì sim te, tambu kɔl te, kani o paangei nin ya co ni.» Mó cɔɔlu vɛlɛ yaasiaa, kɛ o seelun nda le.

O Kandɔɔ 40:12

Mí Yosɛf dimul ndu aa: «Yaŋ nilan o kɔlɔ lɔma sɔlaan man: lɛvun yaa-on co palɛi ndii yáá ni.

Daniɛl 2:37

Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.