Daniɛl 4:18 - BII BILA

¹⁸ o nɔ kon pei kɛndɛi a kullon taw-vo, yɔm yɔngu kon ɲɛ-ɲɛ yoomaa ɲɛdiaa-o, ò visia yondoa pɛngi kon o vunduma ndɔan bɛngu, mì yowva coocoo tangul vɛɛnde o lɛvun ndɔn coo-o,

Daniɛl 4:18 Referans Kwoze

Daniɛl 5:15

À cuu ya vanaa kɔlkalua a vanaa viamaa yavaa, haliko mi ndáà cɔm ya sɛvaa ho a kɔlɔ ndɔɔ, kɛ a tiwba le.

O Kandɔɔ 41:8

Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

Daniɛl 5:8

O kon, mí vanaa kɔlkalua va o ba masaa bɛngu-a kpow a sɔɔnguu, kɛ o pilɛ bɛɛ tiwba le sɛva kon a kɔlɔ ndɔɔ masaa tɛɛsiallo le.

O Kandɔɔ 41:15

Mí Faraɔnnɔɔ dimul ndu aa: «I sɔl lɔan, kɛ vana-vana tiwba le ya kɔlɔ ndɔɔ tɛɛsiallo le. Nduyɛ, i tuei maa nɔm, te vana cɔm nɔm pɛ lɔma sɔlaan, á tɛɛsial vana kon kɔlɔ ndɔɔ.»

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 2:7

Mí vanaa viamaa yavaa mulul vɛlɛ masaa aa: «Masaa, dimul buɛyaa nɔmnda lɔma n sɔl-lan, mì n cɔm nɔm kɔlɔ ndɔɔ.»

Esai 19:3

Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.

O Kandɔɔ 40:12

Mí Yosɛf dimul ndu aa: «Yaŋ nilan o kɔlɔ lɔma sɔlaan man: lɛvun yaa-on co palɛi ndii yáá ni.

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Daniɛl 2:38

Vanndacieea, visia yondoo nin a yowva coocoo, nɛɛ-nɛɛ nda co, mó luei nda nɔm o ba bɛngu. Mó siinguu nɔm vana bɛndoo nda kpow coo. Nɔm co bolle n'sianile piɔm kon ni.