Daniɛl 4:17 - BII BILA

¹⁷ Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Daniɛl 4:17 Referans Kwoze

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

1Korɛntea 1:28

Mó hɛli ɲɛm ceendo co cɔu maa ɲɛ fondo-on, n vannda co yii luɛyɔɔ loon, n co bɛɛ ɲɛ-ɲɛ nda o hɔl te-on le ɲɛm nda co cɔu maa n'sɔvɛ-on tɛɛmbuuo.

Daniɛl 11:21

Vana vannda luei yii loo siŋnunnin masaa o fonda ndɔɔ, a yɔngunin ndu bɛɛle lemasalen te. O telen kɔlɲuloo vanin-ndo o hun cuanin masalen a kɔlkalu vɔɔndo ni.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

Esekiɛl 25:17

I mingulnin nda màála bɛndula kɔltuwlan. O kon telen ya mingulnin nda màá lende-o, a sinanin maa ya co Mɛlɛka ni.»›

Esekiɛl 7:24

Lelan i cuunin vanaa-mangalaa-isɔɔa hiow kɔlvesɛiyo-a nanu, mà hun poondiaa cɛila ndalan. I tɛɛmbuunin kuundian vanaa kpaayaa, o kon cɛila máánnda ndalan la fulanin o baa nin.

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Condii lisai 9:16

Vanaa-mangalaa-isɔɔa deli o soon nda pila tow-vo nin, pelun ndan co haw o yala nda pila tondu sɔ́ɔ́-sɔ́ɔ́-o nin.

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

1Timote 5:21

I co nɔm ɲuna Hala o hɔl, Yeesu Krista a mɛlɛkaa sɔla hɛlio-a kpow o hɔl, mà bii silalan ndan, hiyan vana-vana le, tosa ɲɛ-ɲɛ a lakafa le.

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

Condii lisai 12:8

Nɔm Mɛlɛka, a mandanin vanaa nda co palaa-a, ma kanda naa le fɛɛn a fɛɛn a vanaa kan.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

Rɔmnda 13:1

Vana-vana bɛnda mò tuisin simlacia lebolla o labɛngunin, kani masale kɛ́-kɛ̀ co le, le kɛɛ fula Hala o ba len. Simlacia co-a, ndu kɛsi nda ni.

Condii lisai 103:19

Mɛlɛka co o kpɛŋɛ lemasa ndɔɔ nin o halataala, o co masalen tosaa o lɛŋnden kpow coo.

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.