Daniɛl 4:12 - BII BILA

¹² Kɛ mì la mɛi ciiye a puundon yondoo nin, mì la yii ndi a yɔlɔn n'cilinndon a á yɔlɔn n'daɲan. Màá i liva o kɛmndan nin, mì i de billo maa visi!

Daniɛl 4:12 Referans Kwoze

Luke 13:19

Maa kulii mutarde le co ni, i vanndo pum cua mó mal o nakɔ ndɔɔ nin-nde. Ndíì vulɔɔ, mí i siŋnun yɔmndo. Mí yowva hun tangul o lɛvun ndɔn.»

Esekiɛl 17:23

I tɔalnin ndi o pembii bɛndu-bɛnduei coo o lɛŋnde Israɛl-ten nin. I dɔawnunnin fuma, mì i kom taw-taw, o kon kɔɔli, i siŋnunnin yɔm sɛɛdre kɛndɛ-kɛndɔɔ. Yowva súúlan kpow a vanin kɔlan pɛngio lecoo, a calnin o vunduma lɛvun ndɔn bɛngu.

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Marke 13:32

«Le paale len a le telen kon, vana-vana sina le, hali mɛlɛkaa co o halataala-a, hali Poo, fɔ Fuɲa nuu ndu pilɛ kpé.

Matie 13:32

Ndi hiow dɔɔnanndo o kullon kpow tɛɛn ni. Kɛ ndíì vulɔɔ, mí i hiaw tɔlɔɔla va o nakɔ kon nin-ndan kpow bandei, mí i siŋnun yɔm bɛndu-bɛndoo, mí yowva coocoo a hun tangul o lɛvun ndɔn.»

Marke 4:32

Kɛ i cuu pɛ saŋɔɔ, i vil, i hiow yɔmii co o nakɔɔ nin-nde kpow, lɛvun bɛndon fula, yowva hun luɛi o vunduma ndɔan.»

Esekiɛl 31:17

Mí yɔmii ken bɛɛ i toal ciee-piɔ́m a yɔm bɛndu kon latulu, nɛɛ vanaa vi o mɔɛi cɔwve bɛngu-a co-a. Kani vanaa kan va tiindan ndɔɔ ni, nda va icali o vunduma ndɔan bɛngu o vanaa-mangalaa-isɔɔa kpede tɛɛn ni.

Daniɛl 4:14

Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»

SƐBƐ YƆB-O 12:24

Ndu hialu sinapɛngoo simlacia lelɛŋnda ni, mò sɔɔndiaa nda, nɛiyo bɛɛ a ci le.

SƐBƐ YƆB-O 14:7

Yɔmndo nɔ kɔlkɛsiaa. Vana kelu ndu pɛ, o muungu vɛlɛ o pui, o pɛ́ngì kuumiaa le pei lendei solio le.

SƐBƐ YƆB-O 14:9

mɛnndan ma del ndu dɔ́ɔ́ pɛ, o muungu o pui, o soli vɛlɛ lɛwvon maa tɔlɔɔ sɛnɛi.