Daniɛl 4:11 - BII BILA

¹¹ Mó deŋi coocoo aa: «La kioŋ yɔmndo ho! La kilikili lɛvun ndɔn! La keenduu pei ndɔɛi kpow! La sɛŋi kulun ndɔn yaa-yaa! Mì visia piɔl a kiltan, mà faŋan lebɛngu, mì yowva mɛi vɛɛnde, mà ɲaanun!

Daniɛl 4:11 Referans Kwoze

Tɔŋ miingua 9:1

«Niaa Israɛlla, la yaŋ nilan! La co hau peo Yurdɛn taŋɔɔ le kɔlan vanaa-mangalaa-isɔɔa hiow niaa kpaayaa a sɛ́lɔ́ɔ́-a tovɔɔ, mì la hɛlu kobila bɛndulan a kobila co lakungaalan a kpakio háá o halataala lan.

Matie 11:23

Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m. Kani te dɛnnda kaamaala tosan o nɔm ndo lan láà tosan pɛ lɔ́ɔ́ kon Sodɔm, maa kobi kon ndóò va vɔ hau.

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

Esekiɛl 31:5

Lelan yɔm sɛɛdre kon ndóò bandu ni mó hiaw yɔmii va yondoo nin-nde faw. Mí lɛvun ndɔn kui taw-taw, mí n pɛngɛlan ɲɛkɛndɛi le mɛmma bɛnduma va hunɔɔ lebɛngu-an.

Esekiɛl 31:12

O kon, mí vanaa celennda, a hiow kɔlvesɛiyo o vanaa-mangalaa-isɔɔa tɛɛn-nda a kiaŋ ndu, má mɛi ndu lon, mí lɛvun ndɔn del o pembon coo a o bóltan kpede nin. Mí vannda yimiyimi lɛɛndun ndɔn o kpolonnda co o lɛŋnde len nin-ndan kpow nin. O kon, mí vanaa súúla yɛ́-yɛ́a co o lɛŋnden nin-nda kpow a ɲaanun, má faŋan o vunduma ndɔan bɛngu, má mɛi ndu lon.