Daniɛl 4:1 - BII BILA

¹ «Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Daniɛl 4:1 Referans Kwoze

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Daniɛl 3:4

Mí vana yondaa heelu diomndo kpélén aa: «Niaa vanaa-mangalaa-isɔɔa a yungulan kpow, a niaa vanaa dimi sɔɔn mangalan yɛ́-yɛ́ɔn o lɛŋnden coo-a, la yaŋ nilan o sɔɛi masaa dimi-e.

Efɛsea 1:2

Màá Hala Fuɲa naa nda Maalii Yeesu Krista a tosal niaa dɛnɛ kɛndɔɔ mà ke niaa kɔlɲuloo!

Daniɛl 3:29

Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Ɛsdras 4:17

Mí masaa mulul nda aa: «Le Rehum masa ibungaa, le Simsai vana sɛvaa a le caaŋaa niaa tɔ̀a kpow, á co icali Samari-a a á co icali o lɛŋii co Efrate leeloo a ba paalen le del-lo-e nin-nda kpow. I yil niaa kpede.

1Dɛnnda lemasalan 12:18

Mí David bɔŋa nda, mó dimul nda aa: «Te a yiyan kɛndɔɔ niaa hin o ya lo le ya malaa ni, mɛɛ i cɛl a kɔl nuu kpow, mì n vannun diom pilɛ naa niaa. Kɛ te le ya baa keiyo o mundu, le ya malɔɔ yaamɔaa nia o ba niaa hin ni, nduyɛ i yɔŋ yɛ vana dɛnɛ vɔɔn kɛ́-kɛ̀ le, maa Hala fuɲaa naa mamaa cɔ dɛnɛ kon, mò kelu naa yamɛi tɛɛn!»

1Timote 1:2

Le Timote, po ni kpeekpeiyo o laalanndo nin. Màá sɔla kɛndɛi, ɲííye tuinɔnndo a kɔlɲuloo fulaa Hala Fuɲaa a Maalii naa Yeesu Krista o ba!

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Dɛnnda kiilaa 2:6

Mɛɛ nda tuei diom kon, má cuungian sɛ́lɔ́ɔ́. Má dɔawnun kɔndɔfili taw, kani vana-vana va ɲɛ kaandennda va dimio-o tueyɔɔ o sɔɛi ndɔɛi nin.

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 6:27

«Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

Ɛstɛr 8:9

Paale len, paangii yàándɔɛi va malɔ bidiin a leyàá, má veelu vanaa sɛvaa masaa, má sɛval Yuifia, vanaa lebolla, masaa n'bungaa a simlacia va o tàndàla bidiinnda lan nin-nda, kandɔɔ Ɛnde, kɔlan tiiya háá Etiopii, tàndàla lan la va kɛmɛ bidiin a laŋɔmmɛw. Lende Mardosee ndóò dimi le tosaa ni. Má sɛwviaa sɛbɛlan, kobi oo kobi a sɛva ndɔ a o sɔɛi mangalɛi vannda ndáà dimi lon-nde nin, má sɛval vɛlɛ Yuifia o sɛva ndaa a o sɔɛi ndɛi mangalɛi nin.

Ɛstɛr 3:12

Paangii tasei va malɔ tɔ́ a leyàá, má veelu vanaa sɛvaa masaa, má sɛval vanaa lebolla, masaa n'bungaa yɛ́-yɛ́a a simlacia va vannda coo-a sɛbɛlan. Mí sɛbɛla lan la sɛwviaan o sɛvala yɛ́-yɛ́lan nin a o sɔɔn mangalan yɛ́-yɛ́n va o lɛŋnde len nin-ndon nin. O diola masaa Sɛrsɛs lan nda sɛva sɛbɛla lan ni. Pondale ndɔlen koni ndáà handu vɛlɛ lecoo ni.

Ɛsdras 5:7

Sɔɔn ndáà sɛva o sɛbɛ ndáà yoo ndu-o nin-ndon va mun ni aa: «Masaa Darius. Màá kɔlɲuloo peelanndo va le nɔm!