Daniɛl 3:7 - BII BILA

⁷ Le hee, mɛɛ vannda tuei buloo, sɛ̀ŋnden, bangaa, bondomaa, boosei a ɲɛm-caan súú-súù ka diom, má tundun, má sooluu piɔm n'siani masaa cɔw kon-ndo.

Daniɛl 3:7 Referans Kwoze

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 13:3

Mí ca ndu bollen lepilɛlen a bolin bɛndoo, vanáà ca ko aa le ndu diyɔɔ ndáà boli ndu ni. Kɛ mí bolin ndɔ kon siangu. Mí vanndacieea co o lɛŋnden coo-a kpow a dɔawnun kɔndɔfili, má del visi tɔɔma kalaa kɔɔli.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

Yeremi 51:7

Maa taala kólaa n'siani Babilɔn va Mɛlɛka o ba ni, o va ceendo kpow hɔlla hiŋndo. Vanaa-mangalaa-isɔɔa va mɔima ndɔan kolɔɔ háá mí maa hiŋ nda bolle.

Dɛnnda kiilaa 14:16

Paandu, mó mal vanndacieea kpow kelaa mɛɛ nda yeema yɛ.

Daniɛl 2:46

Mí masaa Nebukanɛsar del o kuumbuan o kɔl coo Daniɛl o labɛngunin. Mó dimi aa a solul Daniɛl sálàá, mà lum ndu ansan.

Daniɛl 3:4

Mí vana yondaa heelu diomndo kpélén aa: «Niaa vanaa-mangalaa-isɔɔa a yungulan kpow, a niaa vanaa dimi sɔɔn mangalan yɛ́-yɛ́ɔn o lɛŋnden coo-a, la yaŋ nilan o sɔɛi masaa dimi-e.

Daniɛl 3:5

Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun piɔm n'siani masaa Nebukanɛsar cɔw-vo o labɛngunin, la sooluu ndu!

Daniɛl 3:6

Vana-vana tundun mò sooluu piɔm kon te, a co vana kon viovɔɔ fɔ́ɔ́fɔ̀ o tóndó bɛndu leyinndo nin.»

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,

Daniɛl 3:10

Nɔm masaa pila dimi ni maa vana-vana tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, o bɛnda mò tundun mo sooluu piɔm n'sianio.