Daniɛl 3:6 - BII BILA

⁶ Vana-vana tundun mò sooluu piɔm kon te, a co vana kon viovɔɔ fɔ́ɔ́fɔ̀ o tóndó bɛndu leyinndo nin.»

Daniɛl 3:6 Referans Kwoze

Matie 13:50

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.»

Matie 13:42

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.

Yeremi 29:22

Vanaa kɛ́-kɛ̀ nda bii Yuda, má kɔa a nda o biyɔɔ nin Babilɔn, a vanin diola vanaa ŋiɔŋaa kan piɔlɔɔ le mɛnanndo aa: «Màá Mɛlɛka tosal nɔm mɛɛ o tosa a Sedekia a á Akab yɛ, vanaa masaa Babilɔn tuɛi o yin-nda pɛɛn!»

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Daniɛl 3:11

Nduyɛ vana-vana kɛɛ pɛ le tundɔnndo, mò kɛɛ le piɔmndo sooloo, a bɛnda mà viow ndu o tóndó bɛndu leyinndo nin.

Dɛnnda cɔɔmuanndan 14:11

Kumii dɛnɛ palaa ndaa i co helɔɔ lɔ́ɔ́-lɔ́ɔ̀. Pɛngi co le nda ipala le, pɛngi co vɛlɛ le nda icɔl te, nda vanaa co kan visi kon a tuula ndɔɔ, a vana-vana sɔla pondale diola ndɔlan-nda.»

Dɛnnda cɔɔmuanndan 9:2

Mí loei ken kumbi soon kalaa, mí kumnde pum i can lenin maa kumii tóndó bɛndu leyin, mí paalen a hoeiye i piimiaa kpilo a kumii va ken fulaa o soon kon nin-nde.

Marke 6:27

Fɔ́ɔ́fɔ̀, mó viam vana cɔwvo le kɔlan hunɔɔ a bolle Nsaŋ Vana-yinaa len.

Matie 4:9

mó dimul ndu aa: «Taa baŋ pɛ vulan ya o labɛngunin, mà biilu ya, i ke nɔm masɛi he kpow.»

Daniɛl 6:7

Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!

Daniɛl 2:5

Mí Nebukanɛsar muli aa: «I cii kiolɔɔ o kɔl nuu nin maa te la cɔm ya lɔma ya sɔl-lan a kɔlɔ ndɔɔ le, i co niaa sɛɛsiaa mì pesipesi cɛila niaalan vɔ́-vɔ́.

Esai 44:17

Yɔmii tɔ̀ɛi lo ndu pɛ o ba, o cua ken o sɛl piɔmndo, o siinguu piɔm kon hala ndɔɔ, o baŋ vulan piɔm kon o labɛngunin, o sooluu ndu, o piɛi ndu aa: «Baŋa ya, kani nɔm co hala nuu kpeekpei ni!»

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

O Kandɔɔ 19:28

Mó tofa a kpengii Sodɔm a Komɔr-e, mó tofa vɛlɛ a ba tàndá va o dɛɛlaa nin-ndo, mó ca kumii bɛndu-bɛnduei helɔɔ coocoo mɛɛ kumnde fula o pollo lomɔɔ nuaa yɛ.

Daniɛl 3:7

Le hee, mɛɛ vannda tuei buloo, sɛ̀ŋnden, bangaa, bondomaa, boosei a ɲɛm-caan súú-súù ka diom, má tundun, má sooluu piɔm n'siani masaa cɔw kon-ndo.

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.