Daniɛl 3:29 - BII BILA

²⁹ Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Daniɛl 3:29 Referans Kwoze

Daniɛl 2:5

Mí Nebukanɛsar muli aa: «I cii kiolɔɔ o kɔl nuu nin maa te la cɔm ya lɔma ya sɔl-lan a kɔlɔ ndɔɔ le, i co niaa sɛɛsiaa mì pesipesi cɛila niaalan vɔ́-vɔ́.

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

Tɔŋ miingua 32:31

Kani pow bandílá ndaa co maa pow kpova niaa le. Hali yaamɔaa naa bɛɛ a kialu yamɛi ken.

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Condii lisai 3:8

Cɔn Mɛlɛka! Ciindiaa ya, Hala nuu! Kani nɔm lɔaa yaamɔaa nia kpaŋndon ni, nɔm yimì vanaa kɔlvesɛiya ciŋndon ni.

Ɛsdras 6:11

La tuei-yɔ vɛlɛ tɔŋ ya yii-o: vana-vana tuundan pɛ le tɔŋndo ho tɛɛmbuuo, a nannin towlen o cɛi ndɔɔ, mà buli ndu a towle len, mà pesipesi cɛi ndɔɔ, mà mingi ndu bémboo.

2Masaa 10:27

má sungu pow soolaa nda tɔl o diola Baal-tan-ndo, má komba vɛlɛ cɛi máán Baal kon, má mingi kabinalan tangul o fonda kon, la co vɔ lon háá paalen nden.

Daniɛl 1:7

Mí bolle vanaa masaa ndóò kɛsi kɔllo coo-a baŋ nda diola celen: mí Daniɛl sɔla diolan aa Bɛlsasar, Hanania aa Sadrak, Mikaɛl aa Mesak, Asaria aa Abɛd-Neko.

Daniɛl 1:19

Mí masaa dɔaw baltan a nda kpow, kɛ vana pilɛ bɛɛ ve maa Daniɛl, Hanania, Mikaɛl a Asaria o vanaa kan tɛɛn te. O kon, má kandu baalaa le ndu.

Daniɛl 2:17

Mɛɛ Daniɛl muungu o ndu lo, mó kɔ cɔm caaŋaa ndɔa Hanania, Mikaɛl a Asaria sɔɛi ken.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Daniɛl 2:49

Mí Daniɛl ɲuna masaa le Sadrak, Mesak a Abɛd-Neko siinguuo simlacia le Babilɔn. Daniɛl pila va o masaa lo bɛɛ.

Daniɛl 3:12

Kɛ tofa vɔ! Yuifia n siinguu simlacia o tàndá Babilɔn-ndo nin-nda: Sadrak, Mesak a Abɛd-Neko, a ci sɔɛi nɔmnde ɲɛ-ɲɛ le. Òó masaa! À kɛɛ le halaa nɔmnda a piɔm n'siani n cɔw-vo sooloo.»

Daniɛl 6:28

Hala ciindiaa vana ni, ndu baŋa vana ni. Ndu tosa dɛnnda bɛndulan a sɔɔn kɔndɔfillon o halataala a o lɛŋnden coo ni. Ndu ciindiaa Daniɛl o kpaaya yàlàá bɛngu ni.»