Daniɛl 3:28 - BII BILA

²⁸ Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Daniɛl 3:28 Referans Kwoze

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Condii lisai 147:11

Kɛ vanaa Mɛlɛka yeema-a co vanaa nɔ siòòŋii ndɔɛi, má va kɛndɛi ndɔɛi cumndo-a ni.

Dɛnnda kiilaa 5:19

Kɛ icɔllo, mí mɛlɛkanɔ Maalii-o kumbi diola luɛyaala cɛi kaaso kalaa, mó soli nda, mó dimul nda aa:

Daniɛl 3:25

Mó dimi aa: «Kɛ i co vannda nda hiɔɔlu cɔu a timbia ma va balɔɔ o yinnden nin. Ɲɛ-ɲɛ vɔɔn co nda yɔŋnɔn te. O hiɔɔlundɔɔ ndu, hɔlla maa po-halaa.»

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Esai 37:36

O kon mí mɛlɛkanɔ Hala-o kɔa o dɔ́ɔ́ngɔ́ɔ̀ Asiriia nin, mó kɔ dii vanpiaandua vaalan kɛmɛ belaŋɔmaa a laŋuɛɛnu. Diimandɔɔ idiiyo, telen nda tendu-o, má ca dɔ́ɔ́ngɔ́ɔ̀ o piaa a vanvílɛ́yaa kan.

2Dɛnnda lemasalan 32:21

Mí Mɛlɛka viam mɛlɛkanɔɔ o dɔ́ɔ́ngɔ́ masaa Asiri nin, mó diw kuubaa cɔwva, simlacia vanaa cɔwva a vanaa a vanaa kùndàá kpow. Mí siɛmbulan la bii masaa Asiri, mó muungu o lɛŋnde ndɔlen nin. Ndóò luɛyɔɔ o cɛi hala ndɔɔ nin, mí poaa ndɔa dii ndu lon a mɔɛi cɔwve.

2Dɛnnda lemasalan 20:20

Diimandɔɔ idiiyo púŋ, mí nda kpow a can le kɔlan a kpeŋii lɛŋnde veselɛilen Tekoa. Telen kɔaa tiiyaa, mí Yosafat dimul nda aa: «Niaa Yudaa a niaa Yerusalɛmnda, la yaŋ ya nilan! La tiindan Mɛlɛka Hala niaa mì la sim yili. La kɛsi kɔltan vanaa-tɛɛngaa-diom Hala-a ndɔa coo, mì la tiwba.»

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Hebreea 11:37

Má lo a pum viiyo a powtan háá má diw nda. A pum yɛ, má kialu nda tɛɛn a siiyo te kon te, má dii nda a mɔɛi cɔwve. A pum yɛ, a cɛn pɛ baa, a kɔɛ baa pilɔɔ a yáwla saa, te kon te yáwla cuinnda lekɔɔ. Mí pɛŋnde ɲɛ-ɲɛ fee le bii nda. A va nda sɔɔlɛmaa suiyo a nda saangiaa taw.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Condii lisai 34:22

Dɛnɛ palaa díì vana kɔlvesɛiyo ni, sangaa toal vanaa tol vana sanda yɛlen-nda coo ni.

Condii lisai 33:21

O ndu nin kɔlta naalan la dɔawnun ɲaale ni, kani n laalan diola ndɔla diandaa lan.

Condii lisai 33:18

Kɛ Mɛlɛka nɔ hɔlten vanaa nɔ siòòŋii ndɔɛi-ya coo, vanaa co kɛndɛi ndɔɛi tiindanndo-a pɛɛn.

Ɛsdras 6:11

La tuei-yɔ vɛlɛ tɔŋ ya yii-o: vana-vana tuundan pɛ le tɔŋndo ho tɛɛmbuuo, a nannin towlen o cɛi ndɔɔ, mà buli ndu a towle len, mà pesipesi cɛi ndɔɔ, mà mingi ndu bémboo.

Ɛsdras 1:3

Lelan, vanaa co vanaa ndɔa o niaa tɛɛn-nda, a hèèlú Yerusalɛm, o tàndá Yuda-o nin le Cɛi-Mɛlɛka-o, o co Hala Israɛlla-o mingio tangullo lon. Hala nda co biiloo Yerusalɛm-ndo pɛɛn. Màá Mɛlɛka Hala ndaa va nda ikɛi!

1Dɛnnda lemasalan 5:20

Telen nda va cɔw kon tosaa-o, má piɛi Hala. Le tiindan nda tiindan kon Hala, má ɲuna ndu-o, mí Hala mala nda. Má nɔla Hakeriaa kan a vanaa ndáà sɔɔnguu le nda mala-a kpow.

O Kandɔɔ 9:26

Kɛ mó dɔaw Sɛm nda Yafɛt duaa aa: «Biiloo co le Mɛlɛka, Hala Sɛm-ndo pɛɛn. Màá Kanaan siŋnun cɛ Sɛm-ndo!

Condii lisai 103:20

Niaa mɛlɛkaa ndɔa, la mel Mɛlɛka balika. Niaa o soaa dɔ́ɔ́, mì la tosa hɛnan ndɔɔ a yoomuma niaan kpow-va pɛɛn.

1Korɛntea 13:3

I piɔw bɛɛ ɲɛm nun kpow le vannda baloo dɔvɔɔ, i yɔngu bɛɛ dialun nun le lomɔɔ, te kaola co ya o kɔl te, kon co ɲɛ-ɲɛ le ya le.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»