Daniɛl 3:27 - BII BILA

²⁷ Mí masaa latàndàá, masaa nɔ hɔlten ɲɔɔn coo-a, masaa n'bungaa a vanaa silaa cuungian le nda mɛɛndianndo. Yinnden le nɔla falun ndan lomɔɔ le few, yiiŋii va nda o lebol-le ŋue le, domala ndala bɛndulan bɛɛ la ŋue le, hali cun leyinndo ve nda lekɔɔ le.

Daniɛl 3:27 Referans Kwoze

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

Dɛnnda kiilaa 27:34

Lelan, la hun dio baloo, kani o bɛnda mì yoomula niaalan la sɔla baŋaa. Hali yiinden ten lepilɛ le faŋanin vana pilɛ o lebol niaa tɛɛn te.»

Matie 10:30

Hali yiiŋii co niaa o lebol-le i co icɔmɛi kpede.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

2Masaa 19:19

Kɛ nɔm Mɛlɛka, Hala naa, baŋa naa Sennakerib o ba, haliko mi masɛi o lɛŋnden coo kpow i sina maa nɔm Mɛlɛka, nɔm pilɛ kpé co Hala ni.»

Dɛnnda kiilaa 26:26

Masa ya co sɔɔn mun dimullo-o sinà dɛnndan ndan, lelan i tiwba mì soo ndu o hɔl a tiindanndo. Nduyɛ, i laalan maa o kɛ́-kɛ̀ co ndu mial te, kani o co dɛnnda hiow o vionnɔn nin te.

Daniɛl 6:7

Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!

Daniɛl 6:23

Hala nuu vem mɛlɛkanɔ ndɔɔ, mó hun kinda yàlàá sondolan. A tosal-la ɲɛ-ɲɛ vɔɔn te, kani i sandu Hala nuu o hɔl. Hali nɔm masaa o hɔl, i tosa dɛnɛ vɔɔn te.»

1Masaa 13:28

mó kɔa, mó komal vana vílɛ́i kon o delaa o nɛi, sofɛlɔɔ a yàlàá va isisi ndu ikɛi. Kɛ nduyɛ yàlàá di vana vílɛ́i kon te, o tosal vɛlɛ sofɛlɔɔ ɲɛ-ɲɛ vɔɔn te.