Daniɛl 3:26 - BII BILA

²⁶ Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Daniɛl 3:26 Referans Kwoze

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Daniɛl 4:2

Icɔllo pum, mí sɔl lɔan. Mí siòònde bii ya taw, kani yiyannda luɛi ya o kɔl o kpele nuu coo lan a vunduma ya ce o yiyan nuu nin-ndan máà vueinun ya taw.

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

Dɛnnda kiilaa 16:17

Mó del naa kɔlan kɔɔli naa Pol-aa, mó va yondaa aa: «Vannda ha co vanaa baalaa Hala-Hiow-Ɲɔɔn-Kpow-vo-a ni, nɛi yɔngu vana cindaa sɔlaa-o nda co niaa tiiyallo ho nuaa ni!»

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Esai 52:12

La fula a lakil lukuluku le, la kɔa a ɲaanɔn te, kani Mɛlɛka co kɔlan niaa laci, Hala Israɛlla vanin niaa kɔɔli le niaa kandaa.

Yosue 4:10

Mí vanaa-solia-lasálàá vá kɔlan a kesu kpemaa-a lo isisi o pee kɔ́llo lon háá mí vannda cii ɲɛ Mɛlɛka ndóò dimul Yosue le vannda tɛɛngullo-o tosa, maa mɛɛ Moise ndóò dimul Yosue yɛ. O kon kɔɔli, mí vannda keleŋa taŋɔɔ cɔ́-cɔ́.

Yosue 3:17

Tuma Israɛlla kpow a va kon taŋɔɔ a pelon n'vesɛi sɛ́ɛ́n-ndo, vanaa-solia-lasálàá va kɔlan a kesu kpema Mɛlɛka-o-a va isisi Yurdɛn o peo kɔllo, lɛŋnden le vannun levesɛi sɛ́ɛ́n, a lo isisi lon háá mí vannda kpow a cuu taŋɔɔ.

Dɛnnda kiilaa 16:37

Kɛ mí Pol dimul vanaa nda vem kan-nda aa: «A lɔɔ naa vannda kpow o hɔl, a kilu naa iyama le, naa yɛ rɔmnda naa n co ni, má mal naa o kaasoo. A yeema niko mà mal naa o vionɔnndo nin? N cɛl ndi le! Mɛɛ mì nda pila hin mà hun soli naa!»

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Ɛsdras 5:11

Má mulul naa aa: ‹Vanaa baalaa Hala cɔw halataalaa a lɛŋnden-ndo-a naa n co ni, Cɛi-Hala cɔwnun sindɛ nin pá-pá-o naa n co mingio tangullo ni, ò masa bɛndoo pum Israɛl ndóò cɔw mí ndóò cii kpede-o.

O Kandɔɔ 14:18

Mí Mɛlkisedɛk, masaa Salɛm, ó va vana-solia-lasálà Hala-Hiow-Ɲɔɔn-Kpow-vo-o hun a buloo a á mɔiyan.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

1Masaa 8:51

Kani vanaa nɔmnda nda co ni, kɛ́ nɔmndo nda co ni, nɔm soli nda o tóndó icilin tuwvo nin Esipte ni.

Yeremi 11:4

o ya sɛval fuɲaa niaa mamaa, o paale ya soli nda Esipte, o tóndó teengiaa n'cilinndo nin-ndo.› Mí dimul nda aa: ‹La yaŋ nilan o diom nuu, mì la kela o sɔɔn ya dimul nia-on kpow coo, o kon la vanin vanaa nia, mì ya i va Hala niaa.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Condii lisai 66:12

Nɔm óò cɛl ni mì vannda va naa huuloo coo o soa. Náà n kei o yinnden nin a o mɛnndan nin, kɛ má soli naa lenin, má ke naa fonda kɛndɛ-kɛndɔɔ.

Daniɛl 6:21

Mɛɛ o va sɔɔnguuo o soon kon ikɛi, mó veelu Daniɛl coocoo a mɔnɛi. Mó ɲuna ndu aa: «Daniɛl! Vana baala Hala yoomaa, vɛ̀ɛ̀ Hala nɔm n co baalaa tosallo lɔ́ɔ́-lɔ́ɔ̀-o tiw pá ba nɔm baŋaa yàlàá o ba?»