Daniɛl 3:20 - BII BILA

^20-22 Mɛɛ masaa dimi lende, má tuulu tóndó bɛndu kon kpɛi-kpɛi. O kon kɔɔli, mó dimul langbaa kalaa nɔ kpaayaa o kunda vanaa ndɔa cɔwva nin-nda le Sadrak, Mesak a Abɛd-Neko yiiyo mà ŋɔw nda peŋ, mà viow nda o tóndó bɛndu leyinndo nin. Lelan, má yii nda peŋ a domala ndala bɛndulan, lɛmbɛla ndalan, mɔsilta ndalan a volɔɔla tɔ̀la va nda lekɔɔ lan kpow, má viaw nda o tóndó bɛndu leyin kon nin. O kon, mí vanaa viow Sadrak, Mesak a Abɛd-Neko o yin-nda ŋɔa a yelenyelen va fulaa o yin-ndo, má vu.

Daniɛl 3:20 Referans Kwoze

Dɛnnda kiilaa 16:25

Di-tɛɛndo kandɔɔ tiiyaa, mí Pol nda Silas a va Hala piɛiyo, má va ndu condon solullo. Vanaa kaasoa tɔ̀a va nda nilan yaŋɔɔ.

Dɛnnda kiilaa 16:23

Mɛɛ nda soŋ nda tei, má kɔ mal nda o kaasoo. Má dimul vana cumulaa cɛi kaasoo kpéŋ-kpéŋ maa o nɔ nda hɔlten coo.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Daniɛl 1:7

Mí bolle vanaa masaa ndóò kɛsi kɔllo coo-a baŋ nda diola celen: mí Daniɛl sɔla diolan aa Bɛlsasar, Hanania aa Sadrak, Mikaɛl aa Mesak, Asaria aa Abɛd-Neko.

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.