Daniɛl 3:19 - BII BILA

¹⁹ O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Daniɛl 3:19 Referans Kwoze

Daniɛl 3:13

O kon, mí masaa tuulu kɔl taw-taw, mó viam vannda le hunɔɔ a Sadrak, Mesak a Abɛd-Neko. Má hun a nda o ndu lo.

Tɔŋ lasálàá 26:24

ya bɛɛ, i simulnin niaa, mì cɔɔlu sangala niaalan vangala bɛmbɛ leŋɔmmɛw le hakila niaalan.

Talelan 21:24

Vana kuundian pɛɛsa caanda-o, diola ndɔlan aa «Yongaa». A yonga ndɔ bɛndu-bɛndoo o tosa dɛnndan ni.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

Daniɛl 5:6

Mí siòònde bii ndu taw háá mí hɔlaa ndɔa mangalan. Mí yiyannda ndɔlan la laasian, mí boondun caŋaa ndɔa n yɔɔlian, mí vulan la ɲiiya ndu nákà-nàkà.

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

Tɔŋ lasálàá 26:21

Te la simul-la pɛ, mì la kɛɛ le sɔɛi nii biyɔɔ, i cɔɔlunin bɛpɛla niaa vangala bɛmbɛ leŋɔmmɛw mɛɛ hakila niaalen la co yɛ.

Tɔŋ lasálàá 26:18

A kon kpede te la tui ya diom te, i vangalanin sangala niaalan bɛmbɛ leŋɔmmɛw le hakila niaalan.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Daniɛl 6:24

O kon, mí masaa naŋ kɔl taw. Mó dimi le Daniɛl solio o soon yàlàá nin. Mɛɛ nda soli ndu, má mɛɛndian ndu, kɛ hali ɲasɔɔ a ci ndu lekɔɔ le, kani ndóò handu Hala ndɔɔ laalanndo coo.

Esai 51:23

I sɔanin vanaa va nɔm saangiaa-a taala kólaa kon o ba, a va nɔm kan dimullo aa: «Tundun mì n hiow»-va. Mí nɔm óò siinguu kɔɔ nɔmndo maa lelɛŋ, maa nɛi keiyaa coo le vanaa hiavaa.

Talelan 16:14

Kiilanɔ piɔ́mndo kɔltuw masaa co ni, kɛ vana kɔlkaloo ndu tiwba mò ɲulul ndu kɔllo.

Ɛstɛr 7:7

Mí masaa can tangban a kɔltuw bɛndoo, mó faŋan o tabali nda va dioo-o, mó kɔa o nakɔ cɛi lemasaa nin. Mí Haman dɔaw taasi maa masaa ndóò kelu le ndu dɛnɛ palaa tuisio coo. Le hee, mó koma lo Ɛstɛr lanɔɔ masaa tɛɛlɔnndo le yoomu ndɔɔ baŋaa.

O Kandɔɔ 31:2

Mó ca vɛlɛ Laban o hɔl maa ndu Laban mangala yiyanndo a ndu, o ve lɛ a ndu maa paandu le.

Daniɛl 2:12

O kon, mí masaa tuulu kɔl taw-taw. Mó yii tɔŋndo le vanaa kɔlkalua Babilɔn kpow diwvo.

Daniɛl 3:20

Mɛɛ masaa dimi lende, má tuulu tóndó bɛndu kon kpɛi-kpɛi. O kon kɔɔli, mó dimul langbaa kalaa nɔ kpaayaa o kunda vanaa ndɔa cɔwva nin-nda le Sadrak, Mesak a Abɛd-Neko yiiyo mà ŋɔw nda peŋ, mà viow nda o tóndó bɛndu leyinndo nin. Lelan, má yii nda peŋ a domala ndala bɛndulan, lɛmbɛla ndalan, mɔsilta ndalan a volɔɔla tɔ̀la va nda lekɔɔ lan kpow, má viaw nda o tóndó bɛndu leyin kon nin. O kon, mí vanaa viow Sadrak, Mesak a Abɛd-Neko o yin-nda ŋɔa a yelenyelen va fulaa o yin-ndo, má vu.

Ɛstɛr 3:5

Mí Haman pila dɔaw sɔɛi ken taasi lekɛ́ndɛi maa Mardosee ve tundɔn le vulan baŋɔɔ ndu o labɛngunin te. O kon mó tuulu kɔllo taw.