Daniɛl 3:17 - BII BILA

¹⁷ Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Daniɛl 3:17 Referans Kwoze

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Luke 1:37

Kani ɲɛ-ɲɛ kindu a Hala le.»

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

SƐBƐ YƆB-O 5:19

O solinin nɔm o mɔnɛi nin háá bɛmbɛ leŋɔmpum, o bɛmbɛ ŋɔmmɛwndɔɔ, dɛnɛ palaa ve lɛnin nɔm kuee le.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Condii lisai 115:3

Hala naa co o halataala, o co hɛnan ndɔɔ kpow tosaa.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Daniɛl 6:27

«Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

1Samiɛl 17:46

Hau, Mɛlɛka co nɔm malɔɔ ya o ba, mì dii nɔm, mì kelu nɔm bollen. Paalen nden hau, mɛɛ mì yɔngu vɛlɛ yovaa co balɔɔ coocoo-a a visia yondoa vanaa cɔvaa Filistia a vílɛ́iya. O kon, mì vannda kpow a sina maa Hala co Israɛl.

1Samiɛl 17:37

Mí David dimi vɛlɛ aa: «Mɛlɛka kanda ya lɔ́ɔ́ kon, yɛmbɛn yàlàá a yɛmbɛn kɔ́lɔ́vúloo n nɔla ya loo, kandanin vɛlɛ ya. Nduyɛ Filistinɔɔ ho bɛɛ nɔlanin ya le.» O kon, mí Saul dimul ndu aa: «Mɛɛ kɔ! Màá Mɛlɛka va nɔm ikɛi!»

O Kandɔɔ 18:14

Yɛɛ nɛ kendu yɛ a Mɛlɛka? Tuma ya keinin o nɔm ndo ɲinasiaŋ-nde, Sara vialunin hɔ́ɔ́ piaandoo.»

Esai 54:14

Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

Condii lisai 73:20

Maalii, nɔm a cɛn dɔ́ɔ́ pɛ, nda lo mɛɛ vana pɔɛɛnun lɔma sɔlaan nuaa yɛ.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

2Korɛntea 1:10

Ndu baŋa naa ni, nduyɛ o baŋanin naa o piɔ́m vaa lende sondoo. A toɲa, n nɔ tiindanndo maa o baŋanin naa vɛlɛ.

Condii lisai 37:40

Mɛlɛka co nda malaa, o co nda baŋaa. O co nda hiɔlɔɔ vanaa kɔlvesɛiya o ba. O co nda ciindiaa le tùú nda vennun ndu o ba bɛngu-o.

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Yeremi 15:21

I baŋanin nɔm vanaa vɔɔnda o ba, mì ciindiaa nɔm vanaa diyaa o ba.»

Daniɛl 3:26

Mí Nebukanɛsar sɔɔnguu o tóndó bɛndu leyinndo sondoo, mó veelu coocoo aa: «Sadrak! Mesak! Abɛd-Neko! Vanaa baalaa Hala-Hiow-Ɲɔɔn-kpow-vo-a, la fula mì la hin nanu!» O kon, mí Sadrak, Mesak a Abɛd-Neko a fula o yinnden nin.

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Daniɛl 6:23

Hala nuu vem mɛlɛkanɔ ndɔɔ, mó hun kinda yàlàá sondolan. A tosal-la ɲɛ-ɲɛ vɔɔn te, kani i sandu Hala nuu o hɔl. Hali nɔm masaa o hɔl, i tosa dɛnɛ vɔɔn te.»

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Condii lisai 37:39

Mɛlɛka o ba cinda vanaa sandaa fula ni. Ndu co fonda mayoomu ndaa o telen dɛnɛ palaa nin ni.