Daniɛl 3:15 - BII BILA

¹⁵ Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Daniɛl 3:15 Referans Kwoze

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

2Masaa 18:35

O halaa lɛŋii ken kpow tɛɛn, ɔ́ɔ̀ a tiwba má baŋa lɛŋii ndɛi ya o ba-a? Vɛ̀ɛ̀ kpeekpei Mɛlɛka ndu baŋa yɛnin Yerusalɛm ya o ba?›»

Fulaa 5:2

Mí Faraɔnnɔɔ mulul nda aa: «Nɛ̀ɛ́-nɛ̀ co yɛ Mɛlɛka, o niaa yeema kon mì bii diom ndɔɔ le Israɛlla malɔɔ kɔnndan-ndo? I sina Mɛlɛka kon te, i melnin vɛlɛ Israɛlla kɔlan te.»

Dɛnnda kiilaa 4:19

Kɛ mí Piɛr nda Nsaŋ mulul nda aa: «Niaa pila kiolu vɔ yamɛi he, sɔɛi niɛi biyɔɔ a sɔɛi Hala-e biyɔɔ, o kuɛɛ bɛnda yɛ Hala o hɔl?

Marke 13:11

Telen nda kɔanin a niaa o cɛila kialaa n'yamalan nin-ndo, la buulan le ɲɛ niaa kɔ diminin-ndo le, kɛ la diminin ɲɛ Hala Kɔl-Diandaa cɔmnin niaa-o, o co niaa pila le soaanin te.

Daniɛl 6:16

Kɛ mí langbaa kan muungu o masaa lo, má dimul ndu aa: «Masaa, sina maa o tɔŋ Mɛdia a Pɛrsea nin, sɔɛi masaa handu baa coo-e mángàlan te.»

Dɛnnda kiilaa 6:15

Vanaa kialaa n'yamaa lelɛŋaa kɛ́-kɛ̀ a va lon a va Etiɛn tofaa, má ca hɔlaa ndɔa maa hɔlaa mɛlɛkanɔ.

Luke 13:9

Te o kom pɛ vɔsi co hunɔɔ-o, o naŋ. Te o kum yɛ le, a kelu ndu.›»

Luke 12:11

Lɔ́ɔ́ nda kɔanin a niaa o cɛila lakaanndan nin, te kon te simlacia o hɔl, te kon te vɛlɛ vanaa bɛndua o hɔl le niaa yamɛi kiolɔɔ-o, la buulan le kɔɔsɔɔ, te kon te le ɲɛ niaa diminin-ndo le,

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Fulaa 32:32

Yandi, mal nda haki le yɔŋ vɔɔn ndaa. Te o co yɛ dɔ́ɔ́ lende le, mɛɛ ɲumi diola nilan nɛɛ n sɛva lan o sɛbɛ cindaa nin-nda.»

Matie 27:43

Hala o tiindan ni, te Hala yeema pɛ ndu, mɛɛ o baŋa vɔ ndu niko. Kani o dimi maa Po Hala-o o co ni.»

Matie 10:19

Kɛ telen nda kɔanin kon a niaa o fondala kialaa n'yamalan-ndo, la buulan le mɛɛ niaa soaanin yɛ le, la buulan vɛlɛ le ɲɛ niaa diminin-ndo le. O niaa bɛnda le dimio-o kennunnin niaa o telen kon.

Daniɛl 2:9

Kɛ te la cɔm ya man te, sɔɛi ya kelun o kɔl-le peelunnin. La cɛlan le ya còòlan dimullo a le ya palaa, háá mí telenndo va cuvɔɔ. Lelan, la cɔm ya lɔma ya sɔl-lan. O kon, i sinanin te la nɔla pɛ le ya man kɔlɔ cɔmndo.»

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»