Daniɛl 3:13 - BII BILA

¹³ O kon, mí masaa tuulu kɔl taw-taw, mó viam vannda le hunɔɔ a Sadrak, Mesak a Abɛd-Neko. Má hun a nda o ndu lo.

Daniɛl 3:13 Referans Kwoze

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Daniɛl 2:12

O kon, mí masaa tuulu kɔl taw-taw. Mó yii tɔŋndo le vanaa kɔlkalua Babilɔn kpow diwvo.

Dɛnnda kiilaa 24:24

Palɛi bɔɔ-bɔɔ o kon kɔɔli, mí Felisi hun a Drusil laa ndɔ, Yuifinɔɔ laa ndɔ kon va ni. Mó viam vannda, má kɔa Pol kɔɔli. Mí Felisi yaŋ nilan o ɲɛ Pol dimi a Yeesu Krista laalanndo o kɔɔ-o coo.

Luke 21:12

«Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

Luke 6:11

Kɛ mí vanaa pɛɛkaa latɔŋnda a Faliisia tambu kɔl taw, má kandu ɲuunianndo le ɲɛ nda tosa a Yeesu-o.

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Matie 10:18

A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl a vanaa-mangalaa-isɔɔa o hɔl.

Talelan 29:22

Vana kɔltuwvo nɔ sɛɛngianndan ni, vana yala kɔllo fulaa-o tɛɛmbuu vannda kɔllo taw ni.

Talelan 27:3

Pow bɛndoo lusul, sióónndon bɛɛ n lusul, kɛ kɔltambɛiyo diɔm sondo vesɛiyo hiow ɲɛm mun kpede lusullo.

Talelan 17:12

O co fisa mì vana bɔŋan a kɔ́lɔ́vúlu nda cuel cuavaa ndɔa-o, a bɔŋanndo a diɔm seemaa pɛ o kɔl-lo.

O Kandɔɔ 4:5

Kɛ mó kɛɛ Kain a sálà ndɔɔ. Le hee, mí Kain tambu kɔl taw-taw, mó suuma suumaa pila.

Daniɛl 1:7

Mí bolle vanaa masaa ndóò kɛsi kɔllo coo-a baŋ nda diola celen: mí Daniɛl sɔla diolan aa Bɛlsasar, Hanania aa Sadrak, Mikaɛl aa Mesak, Asaria aa Abɛd-Neko.