Daniɛl 3:10 - BII BILA

¹⁰ Nɔm masaa pila dimi ni maa vana-vana tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, o bɛnda mò tundun mo sooluu piɔm n'sianio.

Daniɛl 3:10 Referans Kwoze

Daniɛl 6:12

Mí yaamɔaa ndɔa kan a keleŋa lakɔ o ndu Daniɛl lo, má komal ndu, o va Hala tɛɛlɔnndo a ndu piɛiyo.

Nsaŋ 11:57

Nduyɛ, bolii vanaa-solia-lasálàá a Faliisia ndáà dimúl nin vannda maa vana-vana sina pɛ nɛɛ o co-a, vana kon cɔɔmuu ndu, haliko ma kɔ bii ndu.

Amɔs 6:5

Bangalan la co lɔɔnɔnndo mì niaa va condei solio o foofo. La co yiyanndo maa la co ɲɛm-caan caa lɔɔ maa David.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Esai 10:1

Dɛnɛ palaa co le vanaa co tɔŋnda lakafalan yɔngoo-a, vanaa co tɔŋnda tuisi vannda sangaa coo lan sɛvaa-a pɛɛn,

Vana Kɔlkaloo 3:16

O ya ce vɛlɛ o ceendo coo-o co hoo ni: nɛɛ dɛnɛ sandaa a dɛnɛ toɲaa ndóò bɛnda le tosanndo-a, lon dɛnnda kɔlvesɛilan la co tosanndo ni.

Condii lisai 94:20

Yɛɛ co yɛ nɔm tɛɛn niaa vanaa kialaa n'yamaa kɔlta vesɛiya ha, a co haa tɔŋnda nɔmndan malɔɔ ma va caanda kuɛi tuisio coo-a?

2Dɛnnda lemasalan 29:25

Mí masaa simi leviia o bɛ́ɛ̀ Cɛi-Mɛlɛka-o nin a kɛ́ŋndon, bɔ̀linndan a bondomalan o laba maa mɛɛ masaa David, Kad ndóò tɛɛngul masaa sɔɔn Hala-on-ndo a Natan va vana-tɛɛngaa-diom Hala-o-o ndáà dimi yɛ. Kani sɔɛi Mɛlɛka ndóò dimi a sondola vanaa-tɛɛngaa-diom ndɔɔ-a-e va ken ni.

1Dɛnnda lemasalan 15:28

Mí Israɛlla kpow a kɔa a kesu kpema Mɛlɛka-o Yerusalɛm a kponyo bɛndoo, a va bululan hɔŋndo, ma va vɛlɛ kɛ́ŋndon, tòvalan a bondomalan lɔɔ.

1Dɛnnda lemasalan 15:16

Mí David dimul simlacia leviia le puapilɛa ndaa, vanaa solia n'condua dimullo maa a cua ɲɛm-caan o laba, bangalan, bondomalan a kɛ́ŋndon, ma va mun lɔɔ, haliko mi diom bɛndoo va fulaa le cɔmndo maa kɔlkɛndɛ bɛndoo co nda o lakɔl.

Fulaa 1:22

O kon mí Faraɔnnɔɔ yii tɔŋndo o lɛŋnde ndɔlen nin kpow aa: «Te vanalanɔ Hebreenɔɔ velu nin pɛ hɔ́ɔ̀, o va pɛ o piaandoo, la kɔ viow ndu o pee bɛndoo Nil, kɛ te o va pɛ cɛlɛkpɛ laandoo o velu ni, la mɛi ndu yoomu.»

Fulaa 1:16

«Te vanalanɔ Hebreenɔɔ va nin pɛ violɔɔ, la mɛɛndan hɔ́ɔ́ o co kon violɔɔ-o, te cɛlɛkpɛ piaandoo ni, la dii ndu. Kɛ te o laandoo o co violɔɔ ni, la mɛi ndu yoomu.»

Daniɛl 3:11

Nduyɛ vana-vana kɛɛ pɛ le tundɔnndo, mò kɛɛ le piɔmndo sooloo, a bɛnda mà viow ndu o tóndó bɛndu leyinndo nin.