Daniɛl 2:9 - BII BILA

⁹ Kɛ te la cɔm ya man te, sɔɛi ya kelun o kɔl-le peelunnin. La cɛlan le ya còòlan dimullo a le ya palaa, háá mí telenndo va cuvɔɔ. Lelan, la cɔm ya lɔma ya sɔl-lan. O kon, i sinanin te la nɔla pɛ le ya man kɔlɔ cɔmndo.»

Daniɛl 2:9 Referans Kwoze

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Esai 41:23

La dimi ɲɛ yɔŋnunnin siɔdii laci pɔ́-pɔ́-o, haliko mi n sina te halaa niaa co lekɛ́ndɛi ni. La tosa vɔ dɛnɛ kɛndɔɔ te kon te dɛnɛ vɔɔndo, haliko mi n mɛɛndan ndu mi siòònde bii naa latulu.

Ɛstɛr 4:11

«Buɛyaa masaa kpow a vanaa co o kobila lebolta lemasalan nin-nda kpede a sina maa tɔŋndo co o yiyaa le vannda kpow, maa o va vanapɔnɔ, o va vanalanɔ, vana-vana luɛi pɛ o bɛ́ɛ̀ cɛi lemasaa nin le kɔlan o masaa lo, te o co masaa pila le veelu ndu le, vana kon bɛnda mò vi. Fɔ nin mì masaa yulu tinda ndɔ n'sianio vana kon o hɔl, malan o sɔla baŋaa. Ya yɛ, o co nin hau palɛi beleyaa, i sɔla vɔ veelu le kɔlan o masaa lo le.»

Daniɛl 5:28

Farsin! Kon co dimio ni aa: ‹Piɔwvo›. Masale nɔmnden le piɔwnun, mí le yɔngun yungoo Medii a yungoo Pɛrse.»

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Esekiɛl 13:6

A co vunduma lacòòvan cɔu a yoongula palaa n'vanndan tɛɛnguuo, nda kpede a co dimio aa: ‹Diom Mɛlɛka soo-o co hoo ni›. Nduyɛ Mɛlɛka vim nda le. A co vannda tiindanndo yɔngoo maa sɔɔn nda dimi-on peelunnin.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Esekiɛl 13:17

Nɔm Po vanacieo sei, muli hɔlla o vanlaandua yungu nɔmndo lo, vanlaandua co diom Hala-o tɛɛnguuo a yiyan nda pilaa-a pɛɛn. Tɛɛngul nda diom Hala-o.

Talelan 12:19

Sɔɛi toɲɛi viaw lɔ́ɔ́-lɔ́ɔ̀ ni, kɛ sɔɛi lacòòvɛi ndi le telen bingi cúkpɛ̀ i viaw ni.

1Masaa 22:22

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon, mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, mà kɔ tosa mɛɛ n dimi nuaa yɛ.›

1Masaa 22:6

Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i bɛnda mì kɔ del Ramɔt co o tàndá Kalaad-o nin-ndo coo a cɔwvo baa i bɛnda mì kɔɛ le?» Má mulul ndu aa: «Kɔ, kani Mɛlɛka malnin kobi kon nɔm o ba.»

Daniɛl 2:8

Mí masaa muli aa: «I ce maa la yeema mi ke niaa lɔ́ɔ́, kani la ce maa i cii sɔɛi kiolɔɔ o kɔl nuu nin.

Daniɛl 2:16

O kon, mí Daniɛl kɔa o masaa lo, mó tɛɛlun ndu le ndu lɔ́ɔ́ yɔngoo, haliko mi ndóò cɔm ndu kɔlɔ lɔma o sɔl-lan.