Daniɛl 2:5 - BII BILA

⁵ Mí Nebukanɛsar muli aa: «I cii kiolɔɔ o kɔl nuu nin maa te la cɔm ya lɔma ya sɔl-lan a kɔlɔ ndɔɔ le, i co niaa sɛɛsiaa mì pesipesi cɛila niaalan vɔ́-vɔ́.

Daniɛl 2:5 Referans Kwoze

Daniɛl 3:29

Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Ɛsdras 6:11

La tuei-yɔ vɛlɛ tɔŋ ya yii-o: vana-vana tuundan pɛ le tɔŋndo ho tɛɛmbuuo, a nannin towlen o cɛi ndɔɔ, mà buli ndu a towle len, mà pesipesi cɛi ndɔɔ, mà mingi ndu bémboo.

2Masaa 10:27

má sungu pow soolaa nda tɔl o diola Baal-tan-ndo, má komba vɛlɛ cɛi máán Baal kon, má mingi kabinalan tangul o fonda kon, la co vɔ lon háá paalen nden.

Condii lisai 50:22

Lelan, niaa vanaa co ya Hala pɔɛɛnɔnndo-a, la bii sɔɛi he bila, yɔŋii ya tɛɛmbuu niaa, vana-vana baŋanin niaa le.

Daniɛl 2:12

O kon, mí masaa tuulu kɔl taw-taw. Mó yii tɔŋndo le vanaa kɔlkalua Babilɔn kpow diwvo.

Condii lisai 58:7

Éé Hala! Yimi nda ciŋndon o lasondo. Pesi yàlàá ha yaalelan, Mɛlɛka!

1Samiɛl 15:33

Kɛ mí Samiɛl dimul ndu aa: «Mɛɛ mɔɛi nɔmii cɔwve mɛi vanlaandua bɔɔ-bɔɔ kɔɔla fondo yɛ, lende koni kala nɔm co hau lo kɔɔ fondo vanlaandua tɛɛn ni.» Mí Samiɛl dii ndu Mɛlɛka o hɔl Kilkal lon.

Tɔŋ miingua 13:16

la bɛnda mì la diw vanndacieea a cɔlua co o kobi kon nin-nda a mɔɛi cɔwve. La bɛnda mì la tɛɛmbuu kobi kon a ɲɛ-ɲɛ co lenin le Mɛlɛka.

Yosue 6:26

O telen kon nin, mí Yosue mɛnan, mó dimi aa: «Màá Mɛlɛka tuisi dangaa vana kon coo, vana cannin le kobio Yeriko mingio tangullo-o! Màá po ndɔ tasoo vu telen o co ndu kandɔɔ kilaa-o, mì po ndɔ mɛɛlaa vi telen o co ndu cɔnɔn koŋndan lueiyo-o!»

Daniɛl 4:9

Pei ndɔɛi ndíì naŋ o tofaa, ndóò kom kɔmnden pila. Ɲɛ-ɲɛ ka va baloo dɔwnɔnndo a yɔm kon. Visia va hunɔɔ pɛngio o vunduma ndɔan bɛngu, yowva va vɛɛnde tangullo o lɛvun ndɔn coo, ɲɛ-ɲɛ yoomaa va baloo dɔwnɔnndo a yɔm kon.