Daniɛl 2:48 - BII BILA

⁴⁸ O kon, mí masaa yɔngu Daniɛl fonda bɛndoo. Mó yɔngu ndu ɲɛm sɔvɛɔn taw-taw. Mó kɛsi ndu bollen o tàndá Babilɔn-ndo kpow coo, mó handu ndu bolle vanaa kɔlkalua Babilɔn kpow.

Daniɛl 2:48 Referans Kwoze

Daniɛl 2:6

Kɛ, te la cɔm ya pɛ man a kɔlɔ ndɔɔ, la sɔlanin ɲɛm sɔvɛɔn a bɛɛlen ya o ba. Lelan, la cɔm ya lɔma sɔlaa ma man a kɔlɔ ndɔɔ.»

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Daniɛl 4:9

Pei ndɔɛi ndíì naŋ o tofaa, ndóò kom kɔmnden pila. Ɲɛ-ɲɛ ka va baloo dɔwnɔnndo a yɔm kon. Visia va hunɔɔ pɛngio o vunduma ndɔan bɛngu, yowva va vɛɛnde tangullo o lɛvun ndɔn coo, ɲɛ-ɲɛ yoomaa va baloo dɔwnɔnndo a yɔm kon.

Daniɛl 5:29

Fɔ́ɔ́fɔ̀, mí Baltasar dimul buɛyaa ndɔa aa: «La vow Daniɛl volɔɔla báà kalala lemasalan. La vow yɔlɔn n'sianion ndu o labolo, mì la balu yondaa maa ndu cua fonda yàándɔɔ o masale nilen nin ni.»

Daniɛl 5:16

I tuei maa nɔm, a tiwba le kɔlɔ lɔma sɔlaan cɔmndo a sɔɔn viannanndon tɛɛsiaa. Taa nɔla pɛ sɛvaa ho a kɔlɔ ndɔɔ tɛɛsiaa, a vownin nɔm volɔɔla báà kalala lemasalan, mà vow nɔm yɔlɔn n'sianion o labolo. O kon kɔɔli, i yɔngunin nɔm fonda yàándɔɔ o masale nilen nin.»

Daniɛl 3:30

O kon kɔɔli, mí masaa cɔɔlu Sadrak, Mesak a Abɛd-Neko fondala hiow lataselan ndan ke o tàndá Babilɔn-ndo nin.

Daniɛl 3:12

Kɛ tofa vɔ! Yuifia n siinguu simlacia o tàndá Babilɔn-ndo nin-nda: Sadrak, Mesak a Abɛd-Neko, a ci sɔɛi nɔmnde ɲɛ-ɲɛ le. Òó masaa! À kɛɛ le halaa nɔmnda a piɔm n'siani n cɔw-vo sooloo.»

Daniɛl 3:1

Mí masaa Nebukanɛsar cɔaw piɔmndo a sianion bandei dunndo belaŋɔmpum, buo dunndo leŋɔmpum. Mó simi ndu o dɛɛlaa Dura nin, o tàndá Babilɔn-ndo nin.

Yeremi 5:5

I co lakɔnnɔn o simlacia lo, mì kɔ soo o nda lo, kani nda sina nɛi Mɛlɛka-o, tɔŋ Hala ndaa pɛɛn.» Kɛ nda bɛɛ ɲɛ pilɔɔ nda co kpow ni! A mal sangala va nda coo lan kpow, má tɛɛmbuu bɛnda va nda tɛɛn nda Hala-a o.

SƐBƐ YƆB-O 1:3

Ndóò nɔ saa vàálan tan ŋɔmmɛw (7 000), ɲɔɔmɛɛa vàálan tan yáá (3 000), nawva vàá pilɛ (1 000) a sofɛlɛa laandua kɛmɛ leŋuɛɛnu (500). Ndóò nɔ vɛlɛ buɛiya taw-taw. Ndu vannda ndáà hiow bɛɛlen ke o tàndá va a ba paalen le can-ndo-o nin ni.

2Masaa 5:1

Naaman va bolle vanaa cɔvaa masaa Aram ni. Vana vana ndɔ bɛndoo ndóò ce ɲia taw-vo o va ni, kani a ndu Mɛlɛka kei le Aramiia kpaayaa yɔngoo le yaamɔaa ndaa nɔlaa ni. Kɛ a tɔ́ɔ́ bɛndu ndóò nɔ kon-ndo kpow, nàà siaŋaa va ndu.

2Samiɛl 19:32

Mí Barsilai fula o tàndá Kalaad nin-ndo can Rokelim, mó tuusu, mó taŋ peo Yurdɛn nda masaa. O kon kɔɔli, má sɛyan Yurdɛn ndon.

1Samiɛl 25:2

Langbanɔɔ pum va icali Maɔn, ndóò nɔ ɲɛm ndɔn sɔlan Karmɛl. Vana bolofaa bɛndoo langbanɔ kon va ni, saa vàálan tan yáá a cuinnda vàá pilɛ va ndu o ba ni. Mó kɔa Karmɛl le saa ndɔa yiinde kilio.

1Samiɛl 17:25

Mí vana-vana o Israɛlla tɛɛn va dimio aa: «Àá mɔnɛi! La ce mɛɛ langbanɔɔ ho co naa hunɔɔ tɛɛndanndo yɛ? Vana tiwnin ba hoo diyɔɔ-o ndu, masaa kenin bɔɔ vana kon bolofaa, o yɔngunin ndu vɛlɛ cua ndɔɔ o nɔ̀u nin. Yungu vana kon bɛɛ sɔlanin bɔɔ tɔnɔla bɔɔ-bɔɔ o lɛŋnde Israɛl-ten nin!»

Kundalan 24:11

Lelan sisa, kɔnnun, muungun o nɔm ndo. Yáà yeema mì yáà biilu nɔm taw, kɛ Mɛlɛka tuŋ nɔm bɛɛle len.»

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Daniɛl 8:27

O kon, ya Daniɛl, mí del a nàá o palɛi taw bɛngu, mí ɲaw sɛ́ɛ́n. O kon kɔɔli, mí siangu, mí muungu baala nuu tosaa o masaa lo. Mí kɔndɔfillo bii ya a vundule len, mí buulan taw, i bii ɲɛ-ɲɛ bila le.»

Daniɛl 4:6

Mí dimul ndu aa: ‹Bɛlsasar, bolle vanaa mangalaa, i sina maa a nɔ kɔlkalu halaa diandaa nin, nduyɛ dɛnɛ viannan súú-súù kindu a nɔm te. Tofa vɔ lɔma ya sɔl-lan, cɔm ya kɔlɔ ndɔɔ.