Daniɛl 2:47 - BII BILA

⁴⁷ Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Daniɛl 2:47 Referans Kwoze

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

Daniɛl 2:37

Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Condii lisai 136:2

La mel Hala halaa kpow balika, kani kaola ndɔɔ nɔ lamɛɛlu le.

Condii lisai 82:1

Condei, condii fula o condun Asaf-on nin-nde. «Hala co vanaa balu ndu-a tɛɛn, o co halaa tɛɛn mó va yaman kiolɔɔ aa:

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

O Kandɔɔ 41:39

Mó dimul Yosɛf aa: «Le tùú Hala cɔm nɔm sɔɔn mun kpow-vo, vana celen co mò nɔ kɔlkaloo a taasio maa nɔm te.

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

SƐBƐ YƆB-O 12:19

Ndu koni tosà ni mì vanaa-solia-lasálàá kela pelun fondo, mò faŋa vɛlɛ masaa simi masalen ndalen yili-a o masalen.

Yosue 22:22

«A toɲa, Mɛlɛka co Hala bɛndoo ni, lende i co ni, Mɛlɛka co Hala bɛndoo ni. O sina le kɔlɔ naa n tosa nuaa-o. Israɛlla bɛɛ bɛnda mà sina ken. Te nila kalulan a kɛndɛi sinaa lepɛŋnde vem naa fonda-loamaa-lasálàá ho simio ni, màá Mɛlɛka mal naa haki hau le!

Daniɛl 4:25

Mí sɔɔn mun kpow n peelun masaa Nebukanɛsar coo.

1Korɛntea 14:25

mì sɔɔn viannan n co ndu o kɔl-lon n cɔmnun. O kon, o delnin o kɔl coo hɔlla a kuumbuan lɛŋ, mò biilu Hala, mò dimi aa: «Lekɛ́ndɛi, Hala co niaa tɛɛn.»

Condii lisai 136:3

La mel Vana bɛndu vanaa bɛndua kpow balika, kani kaola ndɔɔ nɔ lamɛɛlu le.

Esekiɛl 26:7

Kani nuaa Maalii, o co Mɛlɛka-o dimi ni aa: «I viamnin Nebukanɛsar masaa Babilɔn, masa hiow masaa-o, mò cɛn a maluaŋ, mò hinul kobio Tir a soa, a ɲɛla ɲaanannda soa nan-ndan, a vanaa ɲaanun a soa-a, a vanaa cɔwva taw-taw, a sɛ́lɛ́ bɛndu-bɛndoo kɔɔli.

Daniɛl 2:29

«Òó masaa! A va ihini o kpele nɔmndo coo, a va yiyanndo o ɲɛ yɔŋnunnin-ndo coo. O kon, mí Vana-Cɔɔmuu-Dɛnnda-Kɔndɔfiltan-ndo cɔm nɔm ɲɛ yɔŋnunnin-ndo.

Daniɛl 2:30

Ya yɛ, dɛnɛ kaamaa ho cɔmnun ya, kon co dimi le maa ya hiow vannda kpow kɔlkaloo ni. Kɛ o cɔmnun ya haliko mi kɔlɔ ndɔɔ cɔmnun nɔm, ma sina yiyannda co nɔm o kɔl-tan.

Daniɛl 3:15

Nihau, la bɛɛndian! Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun, la sooluu piɔm ya cɔw-vo. Te la sooluu ndu le, a co niaa viovɔɔ o tóndó bɛndu leyinndo nin sisa. Nduyɛ, hala kuɛɛ baŋa yɛnin niaa ya o ba nɛ?»

Daniɛl 3:28

Mí Nebukanɛsar heelu diomndo, mó dimi aa: «Biiloo co le Hala Sadrak, Mesak a Abɛd-Neko-o! Ndu vem mɛlɛkanɔ ndɔɔ ni mó hun baŋa vanaa ndɔa baalaa, a kɛsi ndu kɔllo coo má kɛɛ diom masaa biyɔɔ-a pɛɛn. A cɛl le sangaa sɔlaa haliko a sooluu hala celen o Hala ndaa kɔɔli le-a.

Daniɛl 3:29

Lelan, la yaŋ nilan nihau o sɔɛi ya co dimi-e. Niaa vannda súúlan a yungulan kpow, a vanaa soaa sɔɔn mangalan yɛ́-yɛ́ɔn-nda, vana-vana dimi pɛ diomnde vɔɔnnden a Hala Sadrak, Mesak a Abɛd-Neko-o, a sɛɛsiaanin ndu, mà pesi cɛila ndɔlan, mì la siŋnun bémbélan. Kani hala celen co mò baŋa vannda baŋa vaa nuaa le.»

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

2Masaa 5:15

Mí Naaman muungu nda vanaa va ndu kɔɔli-a kpow o vana-tɛɛngaa-diom Hala-o lo. Ndóò tiiyaa, mó dimul ndu aa: «I sina o laan maa o lɛŋnden kpow coo, hala celen co o Hala Israɛlla kɔɔli le. Lelan cɛl ɲɛ ya buɛi nɔmndo cuu nɔm-ndo.»

Condii lisai 96:4

Kani Mɛlɛka co o bɔɔ, le ndu biiloo bɛnda ni. O halaa kpow tɛɛn, ndu vana bɛnda ma vo ni.