Daniɛl 2:46 - BII BILA

⁴⁶ Mí masaa Nebukanɛsar del o kuumbuan o kɔl coo Daniɛl o labɛngunin. Mó dimi aa a solul Daniɛl sálàá, mà lum ndu ansan.

Daniɛl 2:46 Referans Kwoze

Dɛnnda kiilaa 14:13

Mí vana-solia-lasálà Seus-o, o máán ndɔɔ va o kobio sondoo-o hun a navaa tovaa nda bayiaa peengela nda vil o yoei, má baa nda o labolo-a o diola kobio sondoo. Vana-solia-lasálà kon a sɛ́lɛ́ va lon-ndo ndáà yeema mì ndáà solul kiilaa kalaa sálàlan.

Dɛnnda kiilaa 10:25

Telen Piɛr va luɛyɔɔ-o, mí Kɔrnɛil bɔŋa ndu, mó tundun, mó baŋ vulan ndu o labɛngunin.

Ɛsdras 6:10

La yɔngu nda mun haliko ma solul Hala co o halataala-o sálàla cuɛima cun kɛndɛlan, mà piɛi Hala le yoomu masaa a le yoomu poaa ndɔa.

Dɛnnda cɔɔmuanndan 22:8

Ya Nsaŋ, ya tuei dɛnndan ndan mí ca lan ni. Telen ya tuei mí ca lan-ndo, mí del mɛlɛkanɔ va ya lan cɔmndo-o o pelon bɛngu le ndu biiloo.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Dɛnnda cɔɔmuanndan 11:16

Mí bɛndua yuuvɛiyaa bidiin a à hiɔɔlua va icali Hala o hɔl o kpɛŋɛla ndala lemalan coo-a del a kuumbuan, má va Hala biiloo.

Dɛnnda kiilaa 28:6

Vanaa kan va yiyanndo maa baa va ndu hindɔɔ, te kon te maa o va delɔɔ mi ndóò vi. Kɛ má viaw ka, ɲɛ-ɲɛ vɔɔn tosan ndu le. O kon, má mangala yiyanndo, má dimi aa hala Pol co ni.

Daniɛl 3:5

Te la tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, la tundun piɔm n'siani masaa Nebukanɛsar cɔw-vo o labɛngunin, la sooluu ndu!

Daniɛl 3:7

Le hee, mɛɛ vannda tuei buloo, sɛ̀ŋnden, bangaa, bondomaa, boosei a ɲɛm-caan súú-súù ka diom, má tundun, má sooluu piɔm n'siani masaa cɔw kon-ndo.

Daniɛl 8:17

Mó va sɔɔnguuo ya ikɛi, mí siòònde bii ya taw, mí del o kuumbuan o kɔl coo. Kɛ mó dimul-la aa: ‹Po vanacieo sei! Sina pɛngu maa vundule n ce len-nden le co tɔɔmasele palɛi mɛɛlɛi ni.›