Daniɛl 2:45 - BII BILA

⁴⁵ Le dɛnɛ kon cɔmndo n ce powvo sɛmbaa a ba ndɔ o pembei ni, mó cui cilinnde, daɲɛi, puulu loamaa, volin humbon a sianion. Hala bɛndoo cɔm masaa ɲɛ yɔŋnunnin-ndo. Lɔma n sɔl-lan ma co man ni. Kɔlɔ ndɔɔ kpeekpei co vɛlɛ hoo ni.»

Daniɛl 2:45 Referans Kwoze

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

O Kandɔɔ 41:32

Taa ce pɛ má sɔl lɔan man sala tiɔn, kon co cɔmndo ni maa Hala cii dɛnɛ kon kiolɔɔ kpali, fɔ mò yɔŋnun kangalan. O viw lɛnin le ɲɛ o kelu kon-ndo tosaa le.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Condii lisai 48:1

Condei. Condii poaa Kore-a.

2Samiɛl 7:22

A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

O Kandɔɔ 41:28

Maa mɛɛ ya dimul nɔm Faraɔnnɔɔ yɛ, Hala cɔm nɔm ɲɛ o hun tosanin-ndo ni.

Dɛnnda cɔɔmuanndan 19:17

Mí ca mɛlɛkanɔɔ pum isisi o paalen nin. Mó yondal yovaa va kelaa coocoo-a kpélén aa: «La hun mì la cuungian le ɲɛdiaa bɛndu Hala toosiaa-o,

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Dɛnnda cɔɔmuanndan 1:19

Lelan sɛva ɲɛ n ce-o, o n co cɔu-vo a ɲɛ hun yɔŋnunnin o kon kɔɔli-o.

Luke 17:20

Mí Faliisia ɲuna Yeesu aa: «Lɔ́ɔ́ kuɛɛ nɛ Masale Hala len le hun yɛnin?» Mó mulul nda aa: «Masale Hala len le hinnin mì vannda ce le.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

Matie 21:24

Mí Yeesu mulul nda aa: «Ya bɛɛ i co niaa isɔɔ ɲuna, sɔɛi ndii pilɛ kpé. Te la mulul-la pɛ, i cɔm niaa vana vem ya dɛnndan ndan tosaa-o.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Daniɛl 2:24

O kon kɔɔli, mí Daniɛl kɔa o Ariɔk lo, o masaa ndóò vem le kɔlan vanaa kɔlkalua Babilɔn diwvo-o. Mó dimul ndu aa: «Diw vanaa kɔlkalua Babilɔn te. Yɔɔ ya o masaa lo. I cɔmnin ndu kɔlɔ lɔma o sɔl-lan.»

Condii lisai 145:3

Mɛlɛka co o bɔɔ, mɛɛ mì vana lisa ndu, vana tiwba bɔɔbɔɔyɛi ndɔɛi sinaa le.

Condii lisai 135:5

A toɲa, i sina maa Mɛlɛka co o bɔɔ, Mɛlɛka naa co o halataalaa kpow coo.

Condii lisai 96:4

Kani Mɛlɛka co o bɔɔ, le ndu biiloo bɛnda ni. O halaa kpow tɛɛn, ndu vana bɛnda ma vo ni.

SƐBƐ YƆB-O 36:26

Hala co o bɔɔ, vanacieo nɔla ken bilaa biyɔɔ le, vana nɔla vɔsila ndɔlan sina le.

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

Nehemi 4:14

Nɛɛ-nɛɛ niaa tuei pɛ buloo diom, la cɛn o fonda niaa co và-o, la komal naa lon. Hala naa tosanin cɔwvo le naa.›

1Dɛnnda lemasalan 16:25

Kani Mɛlɛka co o bɔɔ, le ndu biiloo bɛnda ni, o hiow halaa kpow kpaayaa.

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Daniɛl 2:29

«Òó masaa! A va ihini o kpele nɔmndo coo, a va yiyanndo o ɲɛ yɔŋnunnin-ndo coo. O kon, mí Vana-Cɔɔmuu-Dɛnnda-Kɔndɔfiltan-ndo cɔm nɔm ɲɛ yɔŋnunnin-ndo.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

O Kandɔɔ 41:26

Navaa kɛndɛ-kɛndɛa celulaa ŋɔmmɛwva a yasala kɛndɛla ŋɔmmɛwla luɛi kúloo taw lan la co tɔɔmaseloo le vɔsilan laŋɔmmɛw ni, lɔma sɔlaama pilɛan kpé ma yɔŋnun ni.

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Aasee 2:22

I co kpɛŋɛla lemasala masaa kombiaa, mì tɛɛmbuu kpaaya masɛi vanaa-mangalaa-isɔɔa, mì yɔl ɲɛla ɲaanannda ndala soa nan-ndan a vanaa ɲaanun lan-nda. Soa a vanaa ɲaanun o soa coo-a viawnunnin lɛŋ. Vana-vana delnin o mɔɛi cɔvii puapilɛ ndɔɔ bɛngu.