Daniɛl 2:37 - BII BILA

³⁷ Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Daniɛl 2:37 Referans Kwoze

Esekiɛl 26:7

Kani nuaa Maalii, o co Mɛlɛka-o dimi ni aa: «I viamnin Nebukanɛsar masaa Babilɔn, masa hiow masaa-o, mò cɛn a maluaŋ, mò hinul kobio Tir a soa, a ɲɛla ɲaanannda soa nan-ndan, a vanaa ɲaanun a soa-a, a vanaa cɔwva taw-taw, a sɛ́lɛ́ bɛndu-bɛndoo kɔɔli.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Esai 47:5

Lelan niaa Kaldea, la cal mì la mei kpili, la kɔ o ɲumndan nin! Kani a veelu lɛnin niaa aa: «Vanaa bɛndua co masɛi bollen nda» le.

Condii lisai 62:11

La tííndàn delɔɔ coo le, la handu kɔltan o vannda ɲɔɔn puuwvo o laba coo le. Bolofaa niaa va bɛɛ handɔnndo lecoo, la handu kɔltan lecoo le.

Ɛsdras 7:12

«Ya Artasɛrsɛs, masa hiow masaa-o sɛval nɔm Ɛsdras vana-solia-lasálàá a vana sɛvaa sina tɔŋ Hala co o halataala-o-o sɛbɔɔ ho ni.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 5:12

A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Nsaŋ 19:11

Mí Yeesu muli aa: «A nɔ kpaaya kɛ́-kɛ̀ ya coo le, te o co mò kennun nɔm fulaa o halataala le. Lelan, vana mal-la nɔm o ba-o hiow tɛɛmbuu a nɔm.»

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Osee 8:10

À co bɛɛ vanaa-mangalaa-isɔɔa ɲɔɔn keo nuaa, telenndo tiiya le mì cuungiaa nda. O lo ɲɛ-pɔmbɔ mà luɛi o sangaa nin, o kpòndò masa kpaaya bɛndoo bɛngu.

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 4:3

Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»

Esai 10:8

Kani o dimi aa: ‹Vɛ̀ɛ̀ cuavaa lemasaa niaa o co maa masaa le nda co le?

Talelan 8:15

Ya cɛl ni mì masaa tosa masalen, mì vanaa kialaa n'yamaa kelu yaman sandan.

2Dɛnnda lemasalan 36:23

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin. Lelan, vanaa co vanaa ndɔa o niaa tɛɛn-nda, a hèèlú Yerusalɛm. Màá Mɛlɛka Hala ndaa va nda ikɛi!›»

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

2Masaa 25:28

Mó dimul ndu sɔɔn kɛndɔn, mó ke ndu fonda bɛndoo hiovɔɔ masaa va ndu ikɛi o masalen coo Babilɔn-nda coo.

Yeremi 34:1

Nebukanɛsar va masaa Babilɔn, mó can nda vanaa ndɔa cɔwva kpow, vanaa cɔvaa masɛi a vanaa-mangalaa-isɔɔa va ndu o ba bɛngu-a kpow, má hun del Yerusalɛm a kobila co o tàndá Yuda-o nin-ndan coo a cɔwvo. O telen kon, mí Mɛlɛka soaa o Yeremi lo, mó dimul ndu aa:

Daniɛl 1:2

Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 2:31

Òó masaa! Lɔma n sɔl-lan ma yɔŋnun man ni: A va tofaa, má ca piɔm bɛndu-bɛndoo. O va o bɔɔ dɛ! O va tengaa ŋɛlɛngi-ŋɛlɛngi. O va isisi nɔm laci, ndóò vueinun taw o tofaa.

Daniɛl 4:19

nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.