Daniɛl 2:35 - BII BILA

³⁵ O kon, mí cilinnde, puulu loamaa, daɲan, volin humbon a sianion cuinun kpow o lepilɔɔ, mí n siŋnun mɛɛ foeende va o kpele lɔaa n'mallo coo a vɔɔlen nuaa yɛ. Mí hoeiye kɔandu mun selemenden, hali foofoo lo le. Mí pow soŋ kon piɔmndo-o siŋnun pembii bɛnduei, mí i pia lɛŋnden ca.

Daniɛl 2:35 Referans Kwoze

Condii lisai 37:10

O lo nin ɲɛ-pɔmbɔ cobe, vana kɔlvesɛi ve lɛnin te, à nuwviaanin o fonda o va-o, à seelunin vana le.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Osee 13:3

Lelan, a vanin maa mɔ́m idii, maa kɛmma yala vesa cɔ́-cɔ́-an, maa kefun hoeiye kɔandu mí i faŋa mun o kpele lɔaa n'mallo coo-on. A vanin vɛlɛ maa kumii co fulaa o fɛ̀ɛ̀fɛlan-nde.

Esai 11:9

Vana tosanin dɛnɛ vɔɔn a dɛnɛ tambɛi o pembii nii diandɛi kpow coo le, kani lɛŋnden le vanin lepiaalen a Mɛlɛka sinaa mɛɛ mɛmma ihɛllan ma pia o fonda ma co coo-o nuaa yɛ.

Dɛnnda cɔɔmuanndan 12:8

kɛ a tiwba le, o kon fonda sɔlan ndɛ o halataala le nda le.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Misee 4:13

La cɔn, niaa vanaa co Siɔn-nda! La cɔn mì la lɔɔ maalon. I siinguunin niaa maa leela icilin, mì kindi bɛngula niaalan maa buukula idaɲa. La vɔɔciaanin vanaa súúla bɔɔ-bɔɔ. O kon, la handu tanaa o ɲɛ-sɔlaa ndaa coo le Mɛlɛka, la ke Maalii, o co lɛŋnden kpow bollen-ndo bolofaa ndaa.

Condii lisai 103:16

kɛ te hoeiye hɔŋ dɔ́ɔ́ pɛ, o lonnun pɛ, vana sinà lɛ bɛɛ fonda o va-o le.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Condii lisai 66:4

Màá vanaa co o lɛŋnden coo-a kpow a baŋ vulan nɔm o labɛngunin, mà lisa nɔm! Mbɔ̀, màá a lisa diola nɔmndan!»

Condii lisai 46:9

La hun mì la tofa dɛnnda Mɛlɛka tosa lan, dɛnɛ tambɛi o tuisi o lɛŋnden coo-o pɛɛn.

Condii lisai 37:36

Kɛ o ɲum bòmbò, o co lɛ le, i sanga ndu nuwviaa, o cínnún-ndɛ le.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

SƐBƐ YƆB-O 6:17

Kɛ te vɔɔlen le tiiya dɔ́ɔ́ pɛ la vela, ɲɛ tuw levɔɔ hɔŋul-tan pɛ, la velan sɛ́ɛ́n.

Esai 8:9

Lelan, niaa vanaa-mangalaa-isɔɔa, la yonda bɛɛ yonda cɔwvo, la co cuvɔɔ yomiyomi. Niaa vanaa co icali levil-la, la yaŋ nilan! La bɛɛndian le cɔwvo, kɛ la co cuvɔɔ yomiyomi!

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.