Daniɛl 2:30 - BII BILA

³⁰ Ya yɛ, dɛnɛ kaamaa ho cɔmnun ya, kon co dimi le maa ya hiow vannda kpow kɔlkaloo ni. Kɛ o cɔmnun ya haliko mi kɔlɔ ndɔɔ cɔmnun nɔm, ma sina yiyannda co nɔm o kɔl-tan.

Daniɛl 2:30 Referans Kwoze

O Kandɔɔ 41:16

Mí Yosɛf dimul Faraɔnnɔɔ aa: «O co ya le co tɛɛsiaa le, kɛ Hala co nɔm masaa kɔlɔ lɔma sɔlaama nɔmndan tɛɛsial ni.»

Dɛnnda kiilaa 3:12

Piɛr cɔu dɛnnda lan, mó ɲuna nda aa: «Niaa Israɛlla ha, le yɛɛ nɛ niaa co yɛ kɔndɔfillo dɔwnɔnndo le siongɔɔ langbanɔɔ ho? Le yɛɛ nɛ niaa co yɛ naa tofaa mì la va yiyanndo maa a kpaaya naa pilaa, te kon te maa ɲíí nɛi i tosa ni mó kɔa?

2Korɛntea 4:15

Le dɛnɛ niaa kɛndɔɔ sɔɔn mun kpow n co yɔŋnɔnndo ni. Haliko mi kɛndɛi Hala-e kui, mì vannda taw mal balikaa le Hala biiloo.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Marke 13:20

Te Mɛlɛka ndóò dɔɔniaa palɛi ken te, vana-vana óò cindanin te. Kɛ mó dɔɔniaa palɛi ken le vanaa o hɛli-a.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

Daniɛl 2:49

Mí Daniɛl ɲuna masaa le Sadrak, Mesak a Abɛd-Neko siinguuo simlacia le Babilɔn. Daniɛl pila va o masaa lo bɛɛ.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Esai 45:4

Le kaola ya kaola nɔm Yakɔb, vana ni baalaa-o, le Israɛl vana ni ya hɛli-o, mí veelu nɔm a diola nɔmndan, mí soaa o nɔm ndo a canyɛi telen nɔm óò sina vɔ ya loo.

Condii lisai 139:2

A sinà telen ya cal-lo, a sinà vɛlɛ telen ya can-ndo, a lo levil pɔɔli, mà sinà yiyan nuu.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»