29 «Òó masaa! A va ihini o kpele nɔmndo coo, a va yiyanndo o ɲɛ yɔŋnunnin-ndo coo. O kon, mí Vana-Cɔɔmuu-Dɛnnda-Kɔndɔfiltan-ndo cɔm nɔm ɲɛ yɔŋnunnin-ndo.
Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:
Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»
Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»
O kon mí Yosɛf dimul Faraɔnnɔɔ aa: «Lɔma sɔlaama sala tiɔmma man kpede, lɔma pilɛan ma co ni, kɔlɔ pilɔɔ ma nɔ ni. Hala cɔm nɔm masaa ɲɛ o co hunɔɔ tosa-o nuaa ni.
Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»
Le dɛnɛ kon cɔmndo n ce powvo sɛmbaa a ba ndɔ o pembei ni, mó cui cilinnde, daɲɛi, puulu loamaa, volin humbon a sianion. Hala bɛndoo cɔm masaa ɲɛ yɔŋnunnin-ndo. Lɔma n sɔl-lan ma co man ni. Kɔlɔ ndɔɔ kpeekpei co vɛlɛ hoo ni.»