Daniɛl 2:27 - BII BILA

²⁷ Mí Daniɛl muli aa: «Masaa, dɛnɛ n yeema le sinaa-o, vanaa kɔlkalua, vanaa soaa a loeon o kɔɔ-a, mandea a vanaa mangalaa súúlan kpow a nɔla nɔm ndu tɛɛsial te.

Daniɛl 2:27 Referans Kwoze

Daniɛl 2:2

Mó viam vannda le vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow veeloo, haliko mi ndáà hun cɔm ndu lɔma o sɔl-lan. Mɛɛ nda hin, má cɔmnun ndu.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

Esai 19:3

Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.

O Kandɔɔ 40:8

Má mulul ndu aa: «Lɔan naa n sɔl ni, kɛ vana co nanu le naa kɔlɔ ndɔɔ cɔmndo le.» Mí Yosɛf dimi aa: «O co macoaa Hala le tɛɛsiaa kɔlɔ lɔma sɔlaan te? La cɔm-ndɔ ya lɔma niaa sɔl-lan.»

O Kandɔɔ 41:8

Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

Yeremi 10:7

Nɛ̀ɛ́-nɛ̀ kɛɛ yɛnin nɔm vo, nɔm co masaa le vanaa-mangalaa-isɔɔa súúlan kpow-vo? Nɔm vana bɛnda le vou ni, kani o vanaa kɔlkalua co vanaa-mangalaa-isɔɔa súúlan kpow-va tɛɛn, a o masɛi ndɛi kpow nin, vana-vana co maa nɔm te.

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Daniɛl 4:7

I va o kpele nuu coo, mí ca vunduan man: Yɔm bɛndu-bɛndoo va isisi o lɛŋnden tɛɛn.