Daniɛl 2:25 - BII BILA

²⁵ Mí Ariɔk keleŋa Daniɛl yɔɔ o masaa lo cɔ́-cɔ́. Mó dimul ndu aa: «Masaa, i saalun langbanɔ pilɛ o vanaa kaasoa fula Yuda-a tɛɛn, o tiwba mò cɔm nɔm kɔlɔ lɔma n sɔl-lan.»

Daniɛl 2:25 Referans Kwoze

Daniɛl 6:13

Má muungu o masaa lo. Má yiyalan ndu tɔŋndo ho aa: «Masaa, o co nɔm pila le handu baa o tɔŋndo ho coo aa o palɛi beleyaa bɛngu, vana-vana piɛi pɛ hala celen, te kon te vanaciee celen o nɔm Darius kɔɔli, vana kon bɛnda mò viownun o soon yàlàá nin te?» Mí masaa muli aa: «Lende kpeekpei sɔɛi kelun ni, mɛɛ tɔŋ Mɛdia a Pɛrsea, ó mangalan lɔ́ɔ́-lɔ́ɔ̀ loo co yɛ.»

Daniɛl 5:13

O kon, má hun a Daniɛl o masaa lo. Mí masaa ɲuna ndu aa: «Nɔm co Daniɛl fula o vanaa nda hin o biyɔɔ nin-nda tɛɛn-ndo ni, a fuɲa nuu hin fulaa Yuda-a?

Daniɛl 1:6

O vanaa fula o polale Yuda len nin-nda tɛɛn, má hɛli Daniɛl, Hanania, Mikaɛl a Asaria.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Talelan 24:11

Baŋà vanaa nda kilul yamɛi le nda diyɔɔ-a. Ciindiaa nda, a co kan nɔla simndan te-a, vanaa nda co kɔlan le nda diyɔɔ pɛɛn.

Nehemi 7:6

Mí vanaa bɔɔ-bɔɔ a fula o yungula Nebukanɛsar, masaa Babilɔn, ndóò bii o cɛlen nin-ndan nin, má muungu Yerusalɛm a o tàndá Yuda-o nin. Mí vana-vana muungu o kobi o fula-o nin.

O Kandɔɔ 41:14

O kon mí Faraɔnnɔɔ viam vannda le kɔlan hunɔɔ a Yosɛf. Má kɔa cɔ́-cɔ́, má kɔ soli ndu o kaasoo, má sendi ndu, má soli ndu volɔɔla va ndu lekɔɔlan, má vow ndu volɔɔla celen. Má kɔa a ndu o Faraɔnnɔɔ lo.